Batys Qazaqstan oblysynda dalada turyp qalǵan avtokólikterge kómek kórsetildi, dep habarlaidy "Ult aqparat".
BQO Tótenshe jaǵdailar departamentiniń baspasóz qyzmetinen túsken málimetke qaraǵanda, alǵashqy habarlama búgin saǵat 03.30-da túsken. «Saratov-Oral» tasjoly boiynda, Tasqala aýdany Merei aýyly tusynda VAZ-2114 avtokóliginiń qar qursaýynda qalǵan.
Shaqyrtý ornyna jetken 15-órt sóndirý beketiniń qyzmetkerleri 23 jastaǵy jigitti jylytý ornyna jetkizdi.
Sondai-aq saǵat 05.47-de Aqjaiyq aýdany Kónekketken aýyly tusynda Gazel avtokóliginiń turyp qalǵany jóninde málimet túsken. Jedel qutqarý jasaǵy 6-qutqarý bólimshesiniń qyzmetkerleri avtokólikti shyǵardy. Mashinanyń aqaýlyǵyna bailanysty júrgizýshi jylytý pýnktine jetkizildi.
Saǵat 09.27-de Tasqala aýdany Birlik aýyly mańynda Mitsubishi avtokóligi aýa raiynyń nasharlaýyna bailanysty isten shyqqan. 15-órt sóndirý beketiniń qyzmetkerleri 49 jáne 42 jastaǵy jolaýshylarǵa kómek kórsetip, olardy da jylytý pýnktine jetkizdi.
BQO TJ departamenti qys kezinde joldarda júrgizýshilerge qaýipsizdik sharalaryn qatań saqtaý kerektigin eske salady. Joldardyń jaǵdaiy týraly «Dármen» mobildik qosymshasynan bilýge bolady. Qutqarýshylar kómegi qajet bolsa, 112 nómirine habarlasý kerek.
