Foto: elements.envato.com
BQO-daǵy aýyldardyń birinde belgisiz bireýler qart erli-zaiyptyny bailap, úiin tonap ketti, - dep habarlaidy Tengrinews.kz agenttigi "Moi GOROD" basylymyna silteme jasap.
Oqiǵa 1 maýsymǵa qaraǵan túni Bórli aýdany Aqbulaq aýyldyq okrýginde bolǵan. Aqbulaq aýylyndaǵy jergilikti turǵyndardyń aitýynsha, zeinetkerlerdi túnde bailap, tonap ketken.
Portal málimetine súiensek, betperde taqqan úsh adam tonaýǵa túsken. Sondai-aq, Aqbulaq aýyldyq okrýgi ákimi Zámzágúl Qalimova qart erli-zaiypty balalarynan bólek turatynyn aitqan.
BQO Politsiia departamentiniń baspasóz qyzmeti málimetinshe, qylmys áli ashylmaǵan.
"Aýylǵa kriminaldyq politsiianyń tájiribeli qyzmetkerleri jiberildi. Derek QR QK-niń 191-baby "Tonaý" boiynsha tirkeldi", - delingen habarlamada.
