Sýret: "Ýralskaia nedelia"
Batys Qazaqstan oblysynda politsiia Kaztalov aýdany ákiminiń orynbasary Ǵadilbek Álibekovty ustady. Sheneýnik túnde kafeden shyǵyp, sol jerden kóligimen qaityp bara jatqan, - dep habarlaidy Massaget.kz portaly "Ýralskaia nedelia"-ǵa silteme jasap.
Basylymǵa onyń ustalǵan sátin rastaityn aýdiojazba men sýret túsken. Politsiianyń aitýynsha, ol ishimdik ishken. Alaida, basylym málimetinshe, sheneýnik aýdandyq aýrýhanadaǵy tanysyna qońyraý shalyp, ishimdik ishpegeni týraly meditsinalyq kýálik alǵan.
Oqiǵa 8 aqpanǵa qaraǵan túni bolǵan. Politsiia qyzmetkerleri ustalǵan adamǵa odan ishimdik iisi shyǵatynyn túsindirip, ózderimen birge politsiia kóligine erip júrýdi suraǵan. Beinejazba túsirilip jatqanyn da eskertken. Alaida sheneýnik bas tartyp, dárethanaǵa barǵysy keletinin jáne qujattardy ákelgisi keletinin aitqan. Politseiler ustalǵan júrgizýshige ketýge ruqsat bermegen. Sodan keiin Ǵadilbek Álibekov telefon arqyly bireýge qońyraý shala bastaǵan.
"Báke, meni politsiia toqtatty. Bizdiń aýyldyń jol politsiiasy", - dep túsindirgen ol telefon arqyly.
Biraz ýaqyttan keiin jol politsiiasynyń qyzmetkerine telefon arqyly sóilesýdi usynǵan, biraq ol sóilesýden bas tartqan.
Politseiler Ǵadilbek Álibekovten kólikke óz erkimen otyrýdy birneshe ret suraǵan. Qarsylyq bolǵan jaǵdaida oǵan kisen salynatynyn eskertken.
"Meni bilesiń be" - dep suraǵan sheneýnik.
Politsiia ony bilmeitinin aitqan. Keiin olar sheneýnikti kólikke otyrǵyzyp, onyń mas nemese mas emes ekenin bilý úshin aýrýhanaǵa jetkizgen.
Ǵadilbek Álibekov osy jaǵdaiǵa qatysty pikir bildirip, mundai oqiǵa bolǵanyn rastap, biraq ol sol túni ishimdik ishpegenin aitqan.
"Sol túni kafege barǵanym ras. Biraq araq ishken joqpyn. Túngi on bir-on eki shamasynda úige kele jatqanda jol politsiiasy toqtatty. Olar qujattarymdy talap etti. Qujattarymdy úiden alyp, sodan keiin dárethanaǵa baratynymdy aittym. Politsiia buǵan jol bermedi. Men balalarǵa renjidim, olarǵa "bóten emespiz, osy aýdanda jumys isteimin, osy aýylda turamyn" dedim. Men tekserilý úshin aýrýhanaǵa bardym. Ishimdik ishpegenim belgili boldy", - dedi Kaztalov aýdany ákiminiń orynbasary Ǵadilbek Álibekov.
Sondai-aq, ol kimge habarlasqanyn bilmeitinin aitqan.
"Kimmen bailanysqanym esimde joq", - dedi Ǵadilbek Álibekov.
Kaztalov AIIB bastyǵynyń mindetin atqarýshy Marlen Qarabaev oqiǵa bolǵan túni aýrýhanada bolǵanyn aitty. Alaida ol Ǵadilbek Álibekovti kórmegen.
"Aýrýhanaǵa bardym. Biraq qai ýaqyt ekeni esimde joq. Ishke kirmedim, Ǵadilbek Álibekovti kórmedim. Bári zań aiasynda bolyp jatqanyna kóz jetkizý úshin sol jerge bardym. Tekseris barysynda Ǵadilbek Álibekovtiń ishimdik ishpegeni anyqtaldy. Bizdiń qyzmetkerler ony tutqyndaǵanda, ol "aýdan ákiminiń orynbasarymyn, nege meni tutqyndaisyń? Men aýrýhanaǵa kýálandyrýǵa barýdan uialamyn" degen. Sodan keiin qyzmetkerler ony mas dep oilaǵan. Ustalǵany týraly maǵan kim habarlaǵany esimde joq. Aýrýhanaǵa bardym, óitkeni bári zań aiasynda bolýy úshin ustaldym", - dedi Marlen Qarabaev.
