Batys Qazaqstan oblysynda aýdarylǵan avtokólik 1 tonna balyq ákele jatqan bolyp shyqty, dep habarlaidy "Ult aqparat".
Budan buryn jazǵanymyzdai, 21 jastaǵy júrgizýshi «Toyota Land Cruiser Prado» avtokóliginiń rýline ie bola almai, «Oral-Atyraý» jolynda aýdarylyp qalǵan bolatyn.
BQO politsiia departamentiniń resmi ókili Bolatbek Belgibekovtiń aitýynsha, qazirgi ýaqytta onyń jaǵdaiy birqalypty, ómirine qaýip joq.
Keiin anyqtalǵandai, júrgizýshi, Aqjaiyq aýdanynyń turǵyny Oral qalasyna qarai eshbir qujatsyz 1 tonna 31 kg balyq alyp kele jatqan.
«Balyq saraptamaǵa joldandy. Shyǵyn kólemi anyqtalǵan jaǵdaida QR QK 196-babyna sáikes qylmystyq is qozǵalýy múmkin. Sonymen qatar júrgizýshige qatysty karantin rejimin buzǵany úshin QR Ákimshilik quqyq buzý kodeksi 476-baby 6-tarmaǵyna sáikes ákimshilik is qozǵaldy», - dedi QazAqparat tilshisine B.Belgibekov.
