باتىس قازاقستان وبلىسىندا اۋدارىلعان اۆتوكٶلٸك 1 توننا بالىق ەكەلە جاتقان بولىپ شىقتى, دەپ حابارلايدى "ۇلت اقپارات".
بۇدان بۇرىن جازعانىمىزداي, 21 جاستاعى جٷرگٸزۋشٸ «Toyota Land Cruiser Prado» اۆتوكٶلٸگٸنٸڭ رۋلٸنە يە بولا الماي, «ورال-اتىراۋ» جولىندا اۋدارىلىپ قالعان بولاتىن.
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ ايتۋىنشا, قازٸرگٸ ۋاقىتتا ونىڭ جاعدايى بٸرقالىپتى, ٶمٸرٸنە قاۋٸپ جوق.
كەيٸن انىقتالعانداي, جٷرگٸزۋشٸ, اقجايىق اۋدانىنىڭ تۇرعىنى ورال قالاسىنا قاراي ەشبٸر قۇجاتسىز 1 توننا 31 كگ بالىق الىپ كەلە جاتقان.
«بالىق ساراپتاماعا جولداندى. شىعىن كٶلەمٸ انىقتالعان جاعدايدا قر قك 196-بابىنا سەيكەس قىلمىستىق ٸس قوزعالۋى مٷمكٸن. سونىمەن قاتار جٷرگٸزۋشٸگە قاتىستى كارانتين رەجيمٸن بۇزعانى ٷشٸن قر ەكٸمشٸلٸك قۇقىق بۇزۋ كودەكسٸ 476-بابى 6-تارماعىنا سەيكەس ەكٸمشٸلٸك ٸس قوزعالدى», - دەدٸ قازاقپارات تٸلشٸسٸنە ب.بەلگٸبەكوۆ.
