Batys Qazaqstan oblysynda aryq ishinde qurylys jumystaryn júrgizip jatqan jumysshylar topyraq astynda qaldy. Bir adam oqiǵa bolǵan jerde qaitty, taǵy eki adam aýrýhanaǵa jetkizildi, dep habarlaidy «Moi gorod» portaly.
BQO IID-niń jergilikti politsiia qyzmetinen habarlanǵanyndai, bolǵan oqiǵa jónindegi habar 15 tamyz kúni saǵat 17-30-dar shamasynda kelip túsken.
«Aqsaijylýqýat» AQ jumysshylary Sovetskaia keshesindegi aryqta jumystar júrgizip jatqan. Bir mezette qabyrǵa oprylyp túsip, jumysshylardy topyraq basyp qalǵan. Bir adam oqiǵa bolǵan jerde kóz jumdy, eki adamnyń jaǵdaiy aýyr, olar Aqsai ortalyq aýrýhanasyna jetkizildi. Atalǵan fakti boiynsha QR QK-niń 156 baby, 3 bólimi negizinde «Sońy adam ólimine alyp kelgen eńbek qaýipsizdigi erejelerin saqtamaý» áreketi boiynsha qylmystyq is qozǵaldy», - dep habarlady BQO IID-niń jergilikti politsiia qyzmetiniń bastyǵy Manarbek Ǵabdýllin.
Tótenshe jaǵdaidyń ózge faktileri jóninde ázirge málimet joq.
