Batys Qazaqstan oblysynda 4 qarasha kúni joǵalyp ketken 22 jastaǵy qyz aman-esen tabyldy, dep habarlaidy "Ult aqparat".
BQO Politsiia departamentiniń baspasóz qyzmetinen túsken málimetke qaraǵanda, Qundyz Joltaeva 11 qarashada úiine ózi qaityp oralǵan.
«Qazir qyzdyń jaǵdaiy, densaýlyǵy jaqsy», - dep habarlady departamentten.
Eske sala keteiik, boijetken 4 qarasha kúni shamamen saǵat 09.00-de Aqsai qalasy Zavodskaia kóshesi, 88 meken jaiyndaǵy úiinen shyǵyp ketip, qaita oralmaǵan. Onyń aiyryqsha belgileri, kiip ketken kiimi boiynsha aqparat taratylyp, izdestirý jumystary bastalǵan bolatyn.
