Batys Qazaqstan oblysyndaǵy Shalǵai aýylynda aýyl ákiminiń 22 jastaǵy júrgizýshisi Viktor Iakovenko óli tabyldy, - dep habarlaidy "Ýralskaia nedelia".
Jigittiń denesi 2 jeltoqsanda óziniń úiinen tabyldy. Onyń qylǵynyp ólgeni habarlanyp otyr. Sol kúni ol jumysqa shyqpaǵan eken. Viktor Iakovenkonyń denesin onyń úiine kelgen baýyry kórgen.
"Men osymen ekinshi apta ǵana ákim bolyp qyzmet etip júrmin. Qaza tapqan jigitpen jaqsy tanys emespin. Jigittiń minezi jaqsy edi, eshqandai da ziian ádetteri bolǵan emes. Bizdiń ákimdikte shamamen eki jyldai jumys istedi", - dedi aýyl ákimi Talǵat Qantemirov.
Viktor Iakovenko 5 jeltoqsanda óz aýylynda jerlendi. Keiinirek jigittiń ólimine qatysty keibir derekter belgili boldy. Kýágerlerdiń aitýynsha, Viktorǵa áieldiń kiimderi kigizilgen. Kórshiler qaza tapqan jigittiń óz úiinde oryndyqqa bailaýly tabylǵanyn aitty. Onyń tipti ish kiimi de áieldiki bolǵan. "Al aýzynda áieldiń shulyǵy bolǵan. Ony óltirgender shulyqty jas jigittiń aýzyna tyqqany sonsha, onyń alyp shyǵý múmkin bolmaǵan", - dep jazady basylym.
Aita keteiik, qazirgi ýaqytta aýylda tergeý toby jumys istep jatyr. Jergilikti turǵyndardyń aitýynsha, politseiler aýyldaǵy barlyq jasóspirimnen jaýap alyp jatyr. Biraq quqyq qorǵaý organdarynyń eshqaisysy ázirshe bul oqiǵaǵa qatysty túsinik bergen joq.
