BQO-da 900 myń balyq qurtshabaǵy qyryldy. Balyqtyń jappai qyrylýyna bailanysty qylmystyq is qozǵaldy, dep habarlaidy "Ult aqparat".
BQO politsiia departamentinen túsken málimetke qaraǵanda, qazirgi kezde QR QK 336-babyna sáikes (balyq qorlaryn qorǵaý qaǵidalaryn buzý) tergeý amaldary bastaldy.
BQO orman sharýashylyǵy jáne janýarlar dúniesi aýmaqtyq inspektsiiasy balyq sharýashylyǵy bóliminiń basshysy Qairat Ibraevtyń sózine qaraǵanda, Syrym aýdany Toǵanas aýyly mańyndaǵy Sholaqańqaty ózeninde muzdyń qatýynan shabaqtardyń qyrylǵany týraly málimet 16 qarasha kúni túsken.
Oqiǵaǵa orai jedel top qurylyp, shabaqtardyń jappai qyrylǵanyn anyqtady.
Sholaqańqaty ózeni arqyly ótetin kópirge ótken jyldary kúrdeli jóndeý júrgizilgen bolatyn. Áitse de merdiger tarapynan kemshilikter jiberilgen. Soǵan bailanysty sý ótkizgish qaqpany jóndeý kezinde kópirden 150 metr jerde ýaqytsha bóget salynǵan. Eski qaqpa men ýaqytsha bógettiń arasynda edáýir sý qalyp, kúnniń kúrt sýytýyna bailanysty qatyp qalǵan. Taiyz sýdaǵy balyq shabaqtary da birge qatqan.
Mamandardyń esepteýine qaraǵanda, 1800 metr aýmaqta shamamen 900 myńnan astam shabaq qyrylǵan.
«Arnaiy komissiia keltirilgen shyǵyn kólemin anyqtap, osyǵan jol bergen tulǵalardyń zań aiasynda jaýapqa tartylýyn qadaǵalaityn bolady», dedi Q.Ibraev.
Aita keterligi, 336-bapqa sáikes kópir, bóget salý, sý jinaǵysh qurylystar nemese sý aidaǵysh tetikti paidalaný kezinde balyq qorlaryn qorǵaý qaǵidalaryn buzý balyqtardyń jappai qyrylýyna ákep soqsa, onda kináli tulǵa jazaǵa tartylady. Atap aitqanda, kinəliler belgili bir laýazymdardy atqarý nemese belgili bir qyzmetpen ainalysý quqyǵynan eki jylǵa deiingi merzimge aiyrýǵa nemese onysyz, 160 AEK-ke deiingi mólsherde aiyppul salýǵa ne sol mólsherde túzeý jumystaryna ne 160 saǵatqa deiingi merzimge qoǵamdyq jumystarǵa tartýǵa ne 40 táýlikke deiingi merzimge qamaqqa alýǵa jazalanady.
Eske sala keteiik, budan buryn BQO-da 900 myń balyq qurtshabaǵy qyrylǵanyn jazǵan bolatynbyz.
