Batys Qazaqstan oblysynda 852 adam Pfizer kompaniiasynyń Comirnaty vaktsinasyn saldyrdy, dep habarlaidy QazAqparat.
BQO densaýlyq saqtaý basqarmasy málim etkenindei, sonyń 467-si – jasóspirimder, 37-si – júkti, 348-i – bala emizetin áielder.
Sondai-aq 251 adam revaktsinatsiiadan ótti.
Oblys boiynsha barlyǵy 247 525 adam (egilýge tiisti turǵyndardyń 59,7 paiyzy) birinshi komponentpen egildi. Sonyń 228 381-i (55,1 paiyzy) ekinshi komponentti de saldyrdy.
Qazirgi kezde 80 935 doza I, 100 199 doza II komponent bar.
Basqarma málimetine qaraǵanda, pandemiia bastalǵannan beri koronavirýs juqtyrǵan 39 627 naýqastyń 37 286-sy jazylyp shyqsa, 834-i kóz jumdy.
Sońǵy aptada aldyńǵymen salystyrǵanda, koronavirýs juqtyrý 11 paiyzǵa (20 naýqasqa) tómendedi.
Kúni búgin 316 adam ambýlatorlyq em alýda. Oǵan qosa 118 naýqas infektsiialyq statsionarlarda emdelýde. Sonyń ishinde 9-y aýyr, bireýi asa aýyr halde jansaqtaý bóliminde jatyr.
