Batys Qazaqstan oblysynda koronavirýs juqtyrǵan 4 oqýshy tirkeldi, dep habarlaidy "Ult aqparat".
BQO Bilim basqarmasynyń baspasóz qyzmetinen málim etkendei, 4 jaǵdaidyń barlyǵy Oral qalasynda anyqtalyp otyr.
Sonyń ishinde ekeýi bir otbasynan, olar Oral qalasyndaǵy №9 orta mekteptiń kezekshi birinshi jáne úshinshi synyptarynda oqidy.
Qalǵan ekeýi – qashyqtan oqyp jatqan daryndy balalarǵa arnalǵan mamandandyrylǵan S.Seifýllin atyndaǵy oblystyq mektep-internaty kesheni men №9 orta mekteptiń 6-synyp oqýshylary.
«Barlyq tórt bala koronavirýsty ata-analary men týystarynan juqtyrǵan. Qazirgi ýaqytta oqýshylarda klinikalyq belgiler joq, ambýlatorlyq em alýda», - dep habarlady bilim basqarmasynan.
