BQO-da tórt turǵyn zańsyz temeki men alkogol ónimderin satpaq bolǵan. Bul derekti QMA oblystyq departamenti tekserip jatyr, - dep habarlaidy "Ult aqparat" Qarjylyq monitoring agenttigine silteme jasap.
"Bir top tulǵadan jalpy somasy 967,5 million teńgeden asatyn 1,6 million qoraptan astam temeki ónimderiniń iri partiiasy, sondai-aq zańsyz esepke alý-baqylaý tańbalary bar alkogol ónimderi tárkilendi.
Zańsyz temeki buiymdaryn tasymaldaý Qyrǵyz Respýblikasynan júzege asyrylyp, Oral qalasynda saqtalyp, satylǵan", - delingen habarlamada.
Sot úsh aiyptalýshyny bir jylǵa bas bostandyǵyn shekteý jazasyna kesti, taǵy bir aiyptalýshy 1000 AEK kóleminde aiyppul tóleidi.
Sot úkimine sáikes, tárkilengen barlyq temeki men alkogol ónimi joiylýǵa jatady.
