Batys Qazaqstan oblysynda aýyl sharýashylyǵy maqsatyndaǵy 1,532 mln gektardyń paidalanylmaǵany anyqtaldy, dep habarlaidy QazAqparat.
Oblys ákimi Ǵali Esqalievtiń aitýynsha, sonyń 1,122 mln gektary memleketke qaitaryldy.
Memleket basshysy Qasym-Jomart Toqaevtyń Úkimettiń keńeitilgen otyrysynda jerdi tiimdi paidalaný kerektigin atap kórsetkeni málim.
Osyǵan orai aýyl sharýashylyǵy jerlerin tiimdi paidalanýdy baqylaý jumystary kúsheitiledi.
«Jyl sońyna deiin BQO-nyń geoaqparattyq portaly ázirlenip, jumys jasaityn bolady. Bul geoportalda jer telimderin aýyl sharýashylyǵy óndirisin júrgizý úshin maqsatsyz paidalanýdy anyqtaýǵa múmkindik beretin spýtniktik túsirilim qoljetimdi bolady», - dedi óńir basshysy.
