Batys Qazaqstan oblysynda 120-dan astam adam arnaýly jiynǵa qatysýǵa niet bildirdi, dep habarlaidy "Ult aqparat".
BQO ákiminiń áskeri qaýipsizdik jáne qorǵanys máseleleri jónindegi kómekshisi Maqsat Muqanovtyń aitýynsha, Qazaqstan Prezidenti Qasym-Jomart Toqaevtyń arnaiy Jarlyǵyna sáikes áskeri qyzmetke jaramdylar tótenshe jaǵdai talaptaryn saqtaýǵa, kóktemgi sý tasqynymen kúreske jáne basqa da sharalarǵa jumyldyrylatyn bolady.
«Qazirdiń ózinde oblys boiynsha 120-dan astam adam arnaýly jiynǵa qatysýǵa tilek bildirdi. Árine, niet bildirgender komissiiadan ótse ǵana áskeri qyzmetke qabyldanady. Buryn áskerde bolmaǵandar, áiel adamdar, kúndizgi bólimde oqityn stýdentter alynbaidy. Komissiiadan ótkender basqa óńirge jiberilmeidi. Osy oblys ishinde qoǵamnyń qaýipsizdigin saqtaý, dezinfektsiialaý jáne basqa qajetti jumystarǵa qatysyp, blokposttarda qyzmet atqarady», - dedi Maqsat Muqanov.
Áskeri qyzmetke shaqyrylýshylardy jergilikti bilik oryndary tamaqpen, kiim-keshekpen, jalaqymen, iaǵni barlyq jeńildikpen qamtamasyz etedi. Olardyń jumys orny, eńbekaqysy saqtalady. Al jumyssyz júrgender, ózin-ózi qamtamasyz etýshiler ortasha jalaqy (42 500 teńge) alady.
Bulardyń bári arnaiy qabyldanatyn oblys ákiminiń qaýlysynda kórsetiledi.
Áskerge alynǵandardyń turǵynjaiy da sheshiledi. Olar óz úilerinen qatynap ta jumys istei alady.
