باتىس قازاقستان وبلىسىندا 120-دان استام ادام ارناۋلى جيىنعا قاتىسۋعا نيەت بٸلدٸردٸ, دەپ حابارلايدى "ۇلت اقپارات".
بقو ەكٸمٸنٸڭ ەسكەري قاۋٸپسٸزدٸك جەنە قورعانىس مەسەلەلەرٸ جٶنٸندەگٸ كٶمەكشٸسٸ ماقسات مۇقانوۆتىڭ ايتۋىنشا, قازاقستان پرەزيدەنتٸ قاسىم-جومارت توقاەۆتىڭ ارنايى جارلىعىنا سەيكەس ەسكەري قىزمەتكە جارامدىلار تٶتەنشە جاعداي تالاپتارىن ساقتاۋعا, كٶكتەمگٸ سۋ تاسقىنىمەن كٷرەسكە جەنە باسقا دا شارالارعا جۇمىلدىرىلاتىن بولادى.
«قازٸردٸڭ ٶزٸندە وبلىس بويىنشا 120-دان استام ادام ارناۋلى جيىنعا قاتىسۋعا تٸلەك بٸلدٸردٸ. ەرينە, نيەت بٸلدٸرگەندەر كوميسسييادان ٶتسە عانا ەسكەري قىزمەتكە قابىلدانادى. بۇرىن ەسكەردە بولماعاندار, ەيەل ادامدار, كٷندٸزگٸ بٶلٸمدە وقيتىن ستۋدەنتتەر الىنبايدى. كوميسسييادان ٶتكەندەر باسقا ٶڭٸرگە جٸبەرٸلمەيدٸ. وسى وبلىس ٸشٸندە قوعامنىڭ قاۋٸپسٸزدٸگٸن ساقتاۋ, دەزينفەكتسييالاۋ جەنە باسقا قاجەتتٸ جۇمىستارعا قاتىسىپ, بلوكپوستتاردا قىزمەت اتقارادى», - دەدٸ ماقسات مۇقانوۆ.
ەسكەري قىزمەتكە شاقىرىلۋشىلاردى جەرگٸلٸكتٸ بيلٸك ورىندارى تاماقپەن, كيٸم-كەشەكپەن, جالاقىمەن, ياعني بارلىق جەڭٸلدٸكپەن قامتاماسىز ەتەدٸ. ولاردىڭ جۇمىس ورنى, ەڭبەكاقىسى ساقتالادى. ال جۇمىسسىز جٷرگەندەر, ٶزٸن-ٶزٸ قامتاماسىز ەتۋشٸلەر ورتاشا جالاقى (42 500 تەڭگە) الادى.
بۇلاردىڭ بەرٸ ارنايى قابىلداناتىن وبلىس ەكٸمٸنٸڭ قاۋلىسىندا كٶرسەتٸلەدٸ.
ەسكەرگە الىنعانداردىڭ تۇرعىنجايى دا شەشٸلەدٸ. ولار ٶز ٷيلەرٸنەن قاتىناپ تا جۇمىس ٸستەي الادى.
