Batys Qazaqstan oblysynda blokposttardyń birinde esirtkige eltigen júrgizýshi ustaldy.
BQO politsiia departamentiniń resmi ókili Bolatbek Belgibekovtiń málim etkenindei, oqiǵa 5 sáýir kúni Báiterek aýdany Novenkii aýyly tusyndaǵy №8 blokpostta boldy.
«VAZ-2121 Niva» avtokóligi júrgizýshisiniń qujattaryn tekserý kezinde politseiler odan esirtki tutyndy dep kúdiktengen.
Narkologiialyq saraptama qorytyndysyna sáikes, 30 jastaǵy Sh. esirtkige eltip alǵany anyqtaldy.
«Osy oqiǵa boiynsha QR Ákimshilik quqyqbuzýshylyq kodeksi 608-baby 1-bóligine (júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúide basqarýy, sol siiaqty kólik quralyn alkogoldik, esirtkilik jáne (nemese) ýytqumarlyq masań kúidegi adamnyń basqarýyna berý) sáikes hattama toltyryldy. Bul bap boiynsha on bes táýlikke ákimshilik qamaqqa alý jáne jeti jyl merzimge kólik quralyn basqarý quqyǵynan aiyrý jazasy qarastyrylǵan», dedi Belgibekov.
