Oblys ákiminiń ókimimen jáne QR Bilim jáne ǵylym ministrliginiń kelisimimen Aigúl Ádilgereiqyzy Myńbaeva BQO bilim basqarmasynyń basshysy bolyp taǵaiyndaldy, – dep habarlaidy BQO ákiminiń baspasóz qyzmeti.
Aigúl Myńbaeva 1963 jyly dúniege kelgen. Bilimi joǵary. A.S.Pýshkin atyndaǵy Oral pedagogikalyq institýtyn matematika jáne fizika páni muǵalimi mamandyǵy boiynsha bitirgen.
Ár jyldary Fýrmanov aýdany Saraljyn orta mektebi fizika jáne matematika pániniń muǵalimi, Oral agrarlyq-tehnikalyq kolledjiniń I sanatty oqytýshysy, BQO bilim basqarmasy orta jalpy bilim berý bóliminiń bas mamany, mektepke deiingi jáne orta jalpy bilimdi damytý bóliminiń bastyǵy, basqarma bastyǵynyń orynbasary, basqarma basshysy qyzmetterin atqardy.
2017 jyldyń maýsymynan bastap BQO tilderdi damytý basqarmasyna basshylyq etti.
