Qaratóbe aýdany Jýsandyoi aýyldyq okrýgi Hankól eldi mekeninde «sary qyz ben ájeidiń» elesi kórinetini týraly aqparatqa BQO ákimi Ǵali Esqaliev túsinik berdi, dep habarlaidy "Ult aqparat".
Esqaliev Ortalyq kommýnikatsiialar qyzmeti alańynda ótken brifingide jýrnalistiń osyǵan orai qoiǵan saýalyna jaýap berdi.
«Biz kúnbe-kún quqyq qorǵaý organdarynan málimet alyp otyramyz. Mundai oqiǵa tirkelgen joq. Jergilikti politsiia organdary ony nazarda ustaityn bolady», - dedi ákim.
Atalǵan eldi mekende sary qyzdyń elesi kórinip, jergilikti jurtty shoshytyp jatqany týraly áleýmettik jelide aqparattar taraǵan bolatyn. Osyǵan orai aýylda sanitarlyq talapqa sáikes ashyq jerde az adam jinalyp, marqumdar rýhyna quran da baǵyshtalǵan.
