Foto: BQO PD
BQO politseileri kásipkerdi óltirdi degen kúdiktilerdiń sýretterin jariialady, - dep habarlaidy Tengrinews.kz agenttigi óńirlik PD baspasóz qyzmetine silteme jasap.
"Batys Qazaqstan oblysynyń politsiia departamenti 2022 jyldyń 6 tamyzynda saǵat 19.55 shamasynda asa aýyr qylmys jasaǵan 1991 jyly týǵan Qojantaev Rýslan Farhatuly, 2001 jyly týǵan Amangeldi Turlan Syrlybaiulyna izdeý jariialaidy. Mahambet kóshesindegi 15 ǵimaratta adam óltirip, oqiǵa ornynan izin sýytqan", - delingen habarlamada.
Óńir politseileri atalǵan adamdardy izdestirý men ustaýǵa departamenttiń barlyq kúshi men quraldary jumyldyrylǵanyn, politsiia qyzmetkerleri olar bolýy múmkin barlyq jerdi pysyqtap jatqanyn atap ótti. Barlyq jeke quram men oǵan bekitilgen kúshter jumylǵan.
"Bul qylmys BQO PD basshylyǵynyń kúndelikti erekshe baqylaýynda. Eger kúdiktiler bolýy múmkin nemese naqty ornalasqan jeri týraly aqparat bolsa, 102 pýltine nemese 98-45-30 telefony arqyly habarlaýyńyzdy suraimyz. Anonim bolatynyńyzǵa kepildik beriledi", - dep sendirdi politsiia.
Eske salaiyq, bir kún buryn Oralda birneshe dámhana men meiramhananyń iesi bolǵan belgili kásipker óltirilgen edi. Keiin beinebaqylaý kameralaryna eki jigit qashyp bara jatqany, biriniń qoly qan bolǵany túsip qalǵan.
