فوتو: بقو پد
بقو پوليتسەيلەرٸ كەسٸپكەردٸ ٶلتٸردٸ دەگەن كٷدٸكتٸلەردٸڭ سۋرەتتەرٸن جارييالادى, - دەپ حابارلايدى Tengrinews.kz اگەنتتٸگٸ ٶڭٸرلٸك پد باسپاسٶز قىزمەتٸنە سٸلتەمە جاساپ.
"باتىس قازاقستان وبلىسىنىڭ پوليتسييا دەپارتامەنتٸ 2022 جىلدىڭ 6 تامىزىندا ساعات 19.55 شاماسىندا اسا اۋىر قىلمىس جاساعان 1991 جىلى تۋعان قوجانتاەۆ رۋسلان فارحاتۇلى, 2001 جىلى تۋعان امانگەلدٸ تۇرلان سىرلىبايۇلىنا ٸزدەۋ جارييالايدى. ماحامبەت كٶشەسٸندەگٸ 15 عيماراتتا ادام ٶلتٸرٸپ, وقيعا ورنىنان ٸزٸن سۋىتقان", - دەلٸنگەن حابارلامادا.
ٶڭٸر پوليتسەيلەرٸ اتالعان ادامداردى ٸزدەستٸرۋ مەن ۇستاۋعا دەپارتامەنتتٸڭ بارلىق كٷشٸ مەن قۇرالدارى جۇمىلدىرىلعانىن, پوليتسييا قىزمەتكەرلەرٸ ولار بولۋى مٷمكٸن بارلىق جەردٸ پىسىقتاپ جاتقانىن اتاپ ٶتتٸ. بارلىق جەكە قۇرام مەن وعان بەكٸتٸلگەن كٷشتەر جۇمىلعان.
"بۇل قىلمىس بقو پد باسشىلىعىنىڭ كٷندەلٸكتٸ ەرەكشە باقىلاۋىندا. ەگەر كٷدٸكتٸلەر بولۋى مٷمكٸن نەمەسە ناقتى ورنالاسقان جەرٸ تۋرالى اقپارات بولسا, 102 پۋلتٸنە نەمەسە 98-45-30 تەلەفونى ارقىلى حابارلاۋىڭىزدى سۇرايمىز. انونيم بولاتىنىڭىزعا كەپٸلدٸك بەرٸلەدٸ", - دەپ سەندٸردٸ پوليتسييا.
ەسكە سالايىق, بٸر كٷن بۇرىن ورالدا بٸرنەشە دەمحانا مەن مەيرامحانانىڭ يەسٸ بولعان بەلگٸلٸ كەسٸپكەر ٶلتٸرٸلگەن ەدٸ. كەيٸن بەينەباقىلاۋ كامەرالارىنا ەكٸ جٸگٸت قاشىپ بارا جاتقانى, بٸرٸنٸڭ قولى قان بولعانى تٷسٸپ قالعان.
