Memleket basshysy Qasym-Jomart Toqaev bizneske zańsyz negizde qysym kórsetken qadaǵalaýshy organdardyń ókilderi qatań jazalanatynyn eskertti, dep habarlaidy QazAqparat.
«Biz bizneske basymdyq berip, kásipkerlerdi memlekettiń shekten tys qamqorlyǵynan aryltamyz. Azamattardyń tabysynyń ólsheýishi parasatty eńbek, sybailas jemqorlyq pen favortizmnen adal, ashyq ári ádil báseke bolady. Kásipkerliktiń erkindigin qamtamasyz etip, qolaily investitsiialyq klimat qurý arqyly ár qadamyn myǵym basqan ulttyq býrjýaziiamyzdy qalyptastyramyz», - dedi Qasym-Jomart Toqaev Qazaqstan halqy assambleiasynyń HHHI sessiiasynda.
«Eske salamyn, 2019 jylǵy Joldaýymda «bizneske kedergi keltirýdiń kez kelgen áreketi memlekettik qylmys bolyp eseptelýi kerek» dep aitqan bolatynmyn. Qadaǵalaýshy organdar azamattardyń múddelerin qozǵaityn naqty qylmystardy, onyń ishinde alaiaqtyq, qarjy piramidalary, biýdjet qarajatyn jymqyrý siiaqty ekonomikalyq qylmystardy ashýǵa jáne jolyn kesýge nazar aýdarýǵa mindetti», - dedi Memleket basshysy.
Qasym-Jomart Toqaev «jaýapkershilikti sezinetin, adal bizneske eshqandai qysym bolmaitynyn atap ótti.
«Eger zańsyz qysym bolsa, qadaǵalaýshy organdar, quqyq qorǵaý organdarynyń ókilderi qatań jazalanady», - dedi Prezident.
