Elimizdiń baqytty ári jarqyn keleshegi ár azamattyń qajyrly qyzmetine bailanysty bolady. Bul pikirdi Memleket basshysy Qasym-Jomart Toqaev óz Joldaýynda aitty, dep habarlaidy QazAqparat.
«Qurmetti otandastar! Aldymyzda kúrdeli ári aýqymdy mindetter tur. Solardy tabysty júzege asyrý úshin tyń tásil, jańasha oilaý, jalpyulttyq yntymaq jáne ózara qoldaý qajet. Bizdiń strategiialyq baǵytymyz aiqyn, túitkildi tustarymyz ben kemshilikterimizdi jaqsy bilemiz. Búgin men búkil qoǵam aldynda daǵdarys jaǵdaiynda atqarylatyn is-sharalar josparyn baiandadym. Onyń jemisti júzege asýy árqaisymyzǵa bailanysty. Barshamyz óz-ózimizdi damytýǵa kúsh salýymyz kerek», - dep Prezident Joldaýyn qorytyndylady.
Zamana synaǵy bizden úzdiksiz qozǵalysty, myqty kúsh-jigerdi jáne tabandy eńbekti talap etip otyr. Sondyqtan elimizdiń baqytty ári jarqyn keleshegi ár azamattyń qajyrly qyzmetine bailanysty bolmaq.
«Ár býynnyń mańdaiyna túrli synaq jazylǵan. Biz tól tarihymyzda taǵdyrdyń túrli synynan árdaiym súrinbei óttik. Elimiz eń kúrdeli degen mindetterdi sheshe alady. Biz buǵan daiynbyz. Biz halqymyzdyń táýelsizdik jolyndaǵy san ǵasyrlyq arman-tilegine qol jetkizgen urpaqpyz. Keler jyly Táýelsizdigimizge 30 jyl tolady. Bul mereili data – egemen elimiz úshin asa mańyzdy meje. Bul – jańa tarihi kezeńniń basy. Bizge memlekettiń bolashaǵy úshin zor jaýapkershilik júktelip otyr. Birligimiz ben yntymaǵymyz myǵym bolsa, barlyq qiyndyqty jeńip, maqsatymyzǵa jetemiz. Bul bizdiń qolymyzdan keledi, men oǵan kámil senemin. Elimiz árqashan aman bolsyn. Barshańyzǵa rahmet!», - dedi Qasym-Jomart Toqaev.
