Úkimettiń keńeitilgen otyrysyn qorytyndylaǵan Prezident Qasym-Jomart Toqaev memlekettik apparatqa jumylyp jumys isteýdi tapsyrdy, dep habarlaidy "Ult aqparat".
«Memlekettik qyzmetshiler osynaý elimiz úshin kúrdeli sátte jumylyp jumys isteý kerek. Sizderge bastamalar kóterip, qajet kezinde shuǵyl sheshim qabyldai alatyn qabilet tanytý kerek. Bastama aitpaityn, nemquraidy sheneýnikter bizge kerek emes», - dedi memleket basshysy.
Prezident quqyq qorǵaý organdaryna jemqorlyqpen kúreste obektivti bolýdyń mańyzy zor ekenin basa aitty.
«Quqyq qorǵaý organdary memlekettik apparattyń jumysynan sybailas jemqorlyqty anyqtaý kezinde qyraǵylyq, jedeldik, obektivtilik tanytýy kerek. Shyn kinálilerdi zań boiynsha jazalaý qajet. Memlekettik satyp alýlarǵa erekshe nazar aýdarǵan jón. Bul sala áli de bolsa ashyq bolmai tur. Jol jáne basqa da qurylys túrlerinde laýazymdy teris paidalaný máselesine, ásirese, iri jáne orta infraqurylymdyq jobalarǵa osyndai nazar aýdarý kerek. Bir sózben aitqanda, sybailas jemqorlyqpen júieli, birizdi kúres bizdiń iyzǵymaityn basym baǵytym bolyp qalýi kerek. Memlekettik apparat jinaqy bolýy kerek jáne nátijege baǵdarlanǵan bolýy qajet», - dedi qasym-Jomart Toqaev.
