Senat depýtaty Aqylbek Kúrishbaev sheteldik saiasatkerlerdiń qazaqstandyq biozerthanalarda áskeri-biologiialyq qyzmet júrgizilip jatyr degen málimdemesine qatysty pikir bildirdi, - dep habarlaidy "Ult aqparat".
"Osy múmkindikti paidalana otyryp, BSL-3 deńgeiindegi biologiialyq zerthanalarymyzdyń jumysy týraly túsindire ketkim keledi. Birinshiden, olar ekinshi jáne úshinshi toptaǵy asa qaýipti patogen mikroorganizmderge qarsy diagnostikalyq jáne profilaktikalyq preparattardy ázirleýmen ainalysady. Iaǵni, ólim-jitim deńgeii joǵary birinshi toptaǵy asa qaýipti virýstar munda erekshelenbeidi", - dedi Kúrishbaev Senatta "Qazaqstan Respýblikasynyń biologiialyq qaýipsizdigi týraly" zań jobasyn talqylaý barysynda.
Senator bul zerthanalar Qazaqstanǵa tiesili ekenin jáne ózekti ekonomikalyq problemalardy sheshý úshin tolyq respýblikalyq biýdjetten qarjylandyrylatynyn aitty. Ol biozerthanalarǵa sheteldik granttar berilmeitinin jáne olarda sheteldik ǵalymdar jumys istemeitinin atap ótti.
"Basqasha aitqanda, bizdiń zerthanalar óz qyzmetinde shet elderge esep bermeidi. Úshinshiden, bul zerthanalar qupiia jáne jabyq nysandar sanalmaidy, olardyń jumysy ashyq jáne kez kelgen ýaqytta halyqaralyq sarapshylar tekserýi múmkin", - dep qosty Kúrishbaev.
