QR mádeniet jáne sport ministriniń orynbasary Sáken Musaibekov reseilik depýtattyń Qazaqstandy Olimpiada oiyndarynan bas tartýǵa shaqyrý týraly usynysyna qatysty pikir bildirdi, - dep habarlaidy Tengrinews.kz tilshisi.
"Halyqaralyq Olimpiada komiteti taza sportshylardyń baratynyn aityp otyr. Ózimniń komandam jaily, qazirgi ýaqytta daiyndalyp, jarystarǵa qatysyp, qalǵan litsenziialar úshin tyrysyp jatqan sportshylarymyz jaily aitatyn bolsam, olardyń barlyǵy "taza" sportshylar", - dedi Sáken Musaibekov.
"Olar eshqashan doping qoldanyp kórmegen sportshylar. Olarda - dopingke nóldik tózimdilik. Sondyqtan taza sportshylar Olimpiadaǵa qatysa alady, biz qatysamyz, daiyndalyp jatyrmyz", - dedi mádeniet jáne sport ministriniń orynbasary.
Eske sala keteiik, osyǵan deiin reseilik depýtat Vitalii Milonov Qazaqstandy Olimpiada oiyndarynan bas tartýǵa shaqyrǵan bolatyn. "Sizderge niettestikterińizdi bildirip, Resei quramasy qatysa almasa Olimpiada oiyndarynan bas tartýlaryńyzdy suraimyn", - delingen edi Milonovtyń úndeýinde.
