Foto:Qarmet
2023 jyldyń 8 jeltoqsanynda Qaraǵandy metallýrgiialyq kombinaty ulttyq investorǵa keshendi jańǵyrtý sharttarymen satyldy. Búginde Qazaqstandaǵy eń iri kásiporyndardyń biri Qarmet-te jalpy qyzmetkerler sany – 35 myńnan astam adam, onyń ishinde Temirtaý metallýrgiialyq kombinatynda 14 myńnan astam qyzmetker, Kómir departamenti men enshiles kásiporyndarda 15 myńnan astam adam jumys isteidi.
«Jumysshylardyń jaǵdaiyn jaqsartý boiynsha kóptegen sharalar atqarylyp jatyr» dep otyr, Qarmet kompaniiasynyń personal jáne áleýmettik máseleler jónindegi direktory Elena Zemlianskaia Qarmet-te ótken baspasóz otyrysynda ULT.KZ tilshisiniń suraǵyna jaýap berý kezinde.
«Biz gigiena boiynsha jumystarymyzdy jalǵastyryp jatyrmyz. Ol jańa investor kelgenge deiin bastalǵan jumys edi. Biz ol jumysty biyl naqty jáne keshendi júrgizip jatyrmyz. Jyl sońyna deiin dýsh, ájethana jáne basqa da 28 pýnktti, sonymen birge, kelesi jyly 184 pýnktti jetildirý josparlanǵan. Eger qatelespesem, 7 mlrd. teńgeniń 3 mlrd-qa jýyǵy osy baǵdarlamany iske asyrýǵa bólinip otyr. Ujymdarda qandai da bir másele týyndaityn bolsa, kásipodaqtarmen naqty jumys atqarý arqyly sheshiledi. Biylǵy jyly kásiporynnyń psihologiialyq-áleýmettik klimatyn jaqsartý maqsatynda ujymdarmen jumys isteitin psiholog qyzmetin iske qostyq», -deidi Elena Zemlianskaia.
Kásiporynnyń Eńbek qaýipsizdigi jáne eńbekti qorǵaý jónindegi direktory Baýyrjan Áljanov qazir mekemede shahterlerdiń qaýipsizdigi basa nazarda ekenin jetkizdi.
«Ótken jyly jeltoqsan aiynda bizdiń jańa investor «eń basty talap ol – qaýipsizdik» dep atady. Sondyqtan biz qaýipsizdik bolynsha ótetin jobalardy engizip jatyrmyz. Jańa ǵana Vadim Borisovich basshymyz aityp ótkendei, pozitsiialaý júiesin engizip jatrmyz. 2025 jyldyń aiaǵyna deiin búkil kómir deportamentiniń shahtalary osy júiege engiziledi. Ol qazirgi ýaqytta jumys istep jatqan ár shahterdyń ýaqytyna sai kim qaida jumys isteitinin bilip otyramyz. Ár bir jumysshy mekemege kirgen kezde mindetti túrde meditsinalyq tekserýden ótedi. Biz buǵan óte qatty mán beremsiz. Biz osylaisha jumysshylarymyzǵa qaýipsizdik mádenietin engizemiz. Sondai-aq, burǵylaý jumystary kezinde plastinalardyń arasynda metan gazy týyndaǵan kezde burǵylap, sol gazdardy tartyp, qaýip-qaterdiń aldyn alamyz», -deidi Baýyrjan Áljanov.
Foto:Qarmet. Záýre Zaýrbekova
Sonymen qatar, "Qarmet" AQ Bas direktorynyń qarjy jáne strategiialyq damý jónindegi orynbasary Záýre Zaýrbekovanyń aitýynsha, Qarmet óndirisin damytýǵa $3,5 milliardtan astam investitsiia salýdy josparlap otyr.«Olardyń ishinde $552 millionǵa kokstyq batareialar salý, $239 millionǵa myryshtaý jáne boiaý jelisin salý, $300 millionǵa aglodomen óndirisin rekonstrýktsiialaý, $150 millionǵa ystyqtai ilemdeý tsehyn jańartý jáne taǵy basqa jobalar bar. Kómir departamentine $500 million, al temir rýdasy departamentine $978 million investitsiia qarastyrylǵan», -deidi Záýre Zaýrbekova.
Foto:Qarmet. Vadim Basin
"Qarmet"AQ Bas direktory Vadim Basinnyń sózinshe, 2024 jyldyń 9 aiynda bolat óndirý 14%-ǵa artyp, 2,6 million tonnaǵa jetti (2023 jyldyń osy kezeńinde 2,3 million tonna bolǵan).
«Kómir óndirý 2%-ǵa ósip, 4,7 million tonnaǵa jetti (ótken jyldyń osy kezeńinde 4,6 million tonna bolǵan), kontsentrat óndirisi 17%-ǵa ósip, 2,3 million tonnany qurady (2023 jyldyń osy kezeńinde 1,9 million tonna bolǵan)», dep otyr Vadim Basin.
Sondai-aq, "Qarmet"AQ Bas direktory 2024 jyldyń mamyr aiynda Qarmet sońǵy bes jyldaǵy eń úzdik óndiristik nátijesin kórsetip, bir aida 330 myń tonna bolat óndirgenin aitty.
«Qarmet» AQ – Qazaqstan Respýblikasyndaǵy tolyq óndiristik tsiklge ie iri taý-metallýrgiialyq kompaniia, Ortalyq Aziiadaǵy kómir, temir rýdasy jáne energetikalyq bazasy bar jalǵyz integratsiialanǵan taý-metallýrgiialyq keshen.
Qarmet Qazaqstan Respýblikasyndaǵy eń iri qala quraýshy kásiporyndardyń biri bolyp tabylady, 8 monoqalanyń 180 myńnan astam turǵyndaryn kommýnaldyq qyzmettermen qamtamasyz etedi.
Kompaniianyń negizgi aktivteri Qaraǵandy, Ulytaý, Qostanai jáne Aqmola oblystarynda ornalasqan. Qarmet Qazaqstandaǵy iri salyq tóleýshilerdiń biri. 2024 jyldyń 9 aiynda memlekettik biýdjetke 105 milliard teńge tólendi.
