QR SIM Halyqaralyq aqparat komiteti tóraǵasynyń orynbasary – baspasóz hatshysy Aibek Smadiiarov Aýǵanstandaǵy qandastardy elge ákelý jumysy qandai satyda turǵanyn túsindirdi, dep habarlaidy "Ult aqparat".
«Qazir búkil dúniejúzi Aýǵanstandaǵy jaǵdaidy baqylap otyr. Sondyqtan, naqty osyndai kelissózder bolady, osyndai sheshimder bolady dep aita almaimyz. Árine, Prezidenttiń tapsyrmasy boiynsha bizdiń elshilik qandastarmen bailanysta otyr. Búkil aqparat tekserilip jatyr. Mundai kezderde neshe túrli tekserilmegen aqparat kóp bolady. Sondyqtan kishkene shydamdy bolý kerek. Bul bir kúndik jumys emes. Tálipter bola ma, basqalar bola ma, qandai úkimet keledi, sol úkimetpen bul másele boiynsha keiin kelisózder júrgizemiz», - dedi SIM ókili.
Buǵan deiin QR Syrtqy ister ministriniń orynbasary Aqan Rahmetýllin táliptermen diplomatiialyq bailanys ornatý múmkindigi týraly pikir bildirgen bolatyn.
«Elshiliktiń aqparaty boiynsha, talibandyqtar Kabýlǵa kirgen kezde bir bóligi bizdiń elshilik ornalasqan aýmaqty basyp alǵan. Bul kezde politsiia Kabýldy tastap shyqqan bolatyn. Bizdiń elshi syrtqa shyǵyp, taliban ókilderimen sóilesken. Olar elshiden kim ekenin suraǵan. Ol bul mekeme Qazaqstan Elshiligi ekenin aitqan. «Eshteńeden qoryqpańyzdar. Buryn qalai jumys isteseńizder, solai jumys istei berińizder. Sizderdi biz kúzetimiz», - degen eken. Sodan beri bizdiń elshilik solardyń kúzetinde. Ázirge bailanys osyndai deńgeide ǵana», - dedi Syrtqy ister ministriniń orynbasary.
