قر سٸم حالىقارالىق اقپارات كوميتەتٸ تٶراعاسىنىڭ ورىنباسارى – باسپاسٶز حاتشىسى ايبەك سماديياروۆ اۋعانستانداعى قانداستاردى ەلگە ەكەلۋ جۇمىسى قانداي ساتىدا تۇرعانىن تٷسٸندٸردٸ, دەپ حابارلايدى "ۇلت اقپارات".
«قازٸر بٷكٸل دٷنيەجٷزٸ اۋعانستانداعى جاعدايدى باقىلاپ وتىر. سوندىقتان, ناقتى وسىنداي كەلٸسسٶزدەر بولادى, وسىنداي شەشٸمدەر بولادى دەپ ايتا المايمىز. ەرينە, پرەزيدەنتتٸڭ تاپسىرماسى بويىنشا بٸزدٸڭ ەلشٸلٸك قانداستارمەن بايلانىستا وتىر. بٷكٸل اقپارات تەكسەرٸلٸپ جاتىر. مۇنداي كەزدەردە نەشە تٷرلٸ تەكسەرٸلمەگەن اقپارات كٶپ بولادى. سوندىقتان كٸشكەنە شىدامدى بولۋ كەرەك. بۇل بٸر كٷندٸك جۇمىس ەمەس. تەلٸپتەر بولا ما, باسقالار بولا ما, قانداي ٷكٸمەت كەلەدٸ, سول ٷكٸمەتپەن بۇل مەسەلە بويىنشا كەيٸن كەلٸسٶزدەر جٷرگٸزەمٸز», - دەدٸ سٸم ٶكٸلٸ.
بۇعان دەيٸن قر سىرتقى ٸستەر مينيسترٸنٸڭ ورىنباسارى اقان راحمەتۋللين تەلٸپتەرمەن ديپلوماتييالىق بايلانىس ورناتۋ مٷمكٸندٸگٸ تۋرالى پٸكٸر بٸلدٸرگەن بولاتىن.
«ەلشٸلٸكتٸڭ اقپاراتى بويىنشا, تاليباندىقتار كابۋلعا كٸرگەن كەزدە بٸر بٶلٸگٸ بٸزدٸڭ ەلشٸلٸك ورنالاسقان اۋماقتى باسىپ العان. بۇل كەزدە پوليتسييا كابۋلدى تاستاپ شىققان بولاتىن. بٸزدٸڭ ەلشٸ سىرتقا شىعىپ, تاليبان ٶكٸلدەرٸمەن سٶيلەسكەن. ولار ەلشٸدەن كٸم ەكەنٸن سۇراعان. ول بۇل مەكەمە قازاقستان ەلشٸلٸگٸ ەكەنٸن ايتقان. «ەشتەڭەدەن قورىقپاڭىزدار. بۇرىن قالاي جۇمىس ٸستەسەڭٸزدەر, سولاي جۇمىس ٸستەي بەرٸڭٸزدەر. سٸزدەردٸ بٸز كٷزەتٸمٸز», - دەگەن ەكەن. سودان بەرٸ بٸزدٸڭ ەلشٸلٸك سولاردىڭ كٷزەتٸندە. ەزٸرگە بايلانىس وسىنداي دەڭگەيدە عانا», - دەدٸ سىرتقى ٸستەر مينيسترٸنٸڭ ورىنباسارى.
