Áigili shahmatshy, halyqaralyq shahmat sheberi Jansaia Ábidmálik Prezident Qasym-Jomart Toqaevqa shahmatty damytýǵa baǵyttalǵan usynys aitty, dep habarlaidy QazAqparat.
«Men elimizde shahmatty damytýǵa baǵyttalǵan birneshe usynys daiyndap ákeldim. Meniń oiymsha osy usynystar elde shahmatty alǵa ozdyryp, qordalanǵan problemalardy sheshýdiń negizgi joly bola alady. Qazir bizde júieli memlekettik qoldaý joq. Men elimizde shahmet pen aqparattyq tehnologiialardy tereńdetip oqytatyn mektep-internat salý kerek dep esepteimin. Bul másele Almaty qalasynyń ákimimen kezdesýde de talqylandy», - dedi shahmatshy.
Aitýynsha, atalǵan bazada eldiń ár túkpirinen jinalǵan balalar oqityn bolady.
«Biz eń talantty balalardy iriktep alamyz. Ol jerde 1500-den astam bala oqidy. Onyń 300-i shahmat pen IT-salany tereńdetip oqytatyn internattan bilim alady. Nege IT-salany qostyq degengen kelsek, túrlik ekspermientter júrgizilgen. Túrli ǵylymi baiandamalar da bar. Shahmatshynyń oilaý qabileti IT-mamannyń oilaýymen birdei. Biz 5 synyptan bastap dál osyndai ǵylymi baǵdarlaý tásilin engizbekshimiz. Sol arqyly salany damytýǵa bolady», - dedi Jansaia Ábidmálik.
