Qozǵalys kóp bolatyn aýmaqty patrýldik politsiia nege qadaǵalamaǵan? Bul suraqqa Ishki ister ministri Erlan Turǵymbaev jaýap berdi, dep habarlaidy "Ult aqparat".
«Búgingi tańda bizde jol politsiiasy joq. Patrýldik politsiia ǵana bar. Kólikterdiń keptelisi ózderińiz biletindei, kez kelgen qalada, barlyq jerde bolady. Qalanyń ishinde de, syrtynda da... saǵat 17.00-19.00 aralyǵynda azamattardyń kóbi jumystarynan shyǵady, balabaqsha men mektepten balalaryn alyp qaitady. Bizde politsiia qyzmetkerleri jetispeidi. Sondyqtan biz tek mektepter men balabaqshalardyń janynda, úlken kóshelerdiń qiylysynda patrýldik politseilerdi qoiamyz», - dedi Erlan Turǵymbaev OKQ-da ótken baspasóz máslihatynda.
Eske sala ketsek, keshe Shamalǵan stantsiiasynda poiyz ben avtobýs soqtyǵysqan bolatyn. Aldyn ala boljam boiynsha, avtobýs temir joldyń relsine shyǵyp ketken.
