قوزعالىس كٶپ بولاتىن اۋماقتى پاترۋلدٸك پوليتسييا نەگە قاداعالاماعان? بۇل سۇراققا ٸشكٸ ٸستەر مينيسترٸ ەرلان تۇرعىمباەۆ جاۋاپ بەردٸ, دەپ حابارلايدى "ۇلت اقپارات".
«بٷگٸنگٸ تاڭدا بٸزدە جول پوليتسيياسى جوق. پاترۋلدٸك پوليتسييا عانا بار. كٶلٸكتەردٸڭ كەپتەلٸسٸ ٶزدەرٸڭٸز بٸلەتٸندەي, كەز كەلگەن قالادا, بارلىق جەردە بولادى. قالانىڭ ٸشٸندە دە, سىرتىندا دا... ساعات 17.00-19.00 ارالىعىندا ازاماتتاردىڭ كٶبٸ جۇمىستارىنان شىعادى, بالاباقشا مەن مەكتەپتەن بالالارىن الىپ قايتادى. بٸزدە پوليتسييا قىزمەتكەرلەرٸ جەتٸسپەيدٸ. سوندىقتان بٸز تەك مەكتەپتەر مەن بالاباقشالاردىڭ جانىندا, ٷلكەن كٶشەلەردٸڭ قيىلىسىندا پاترۋلدٸك پوليتسەيلەردٸ قويامىز», - دەدٸ ەرلان تۇرعىمباەۆ وكق-دا ٶتكەن باسپاسٶز مەسليحاتىندا.
ەسكە سالا كەتسەك, كەشە شامالعان ستانتسيياسىندا پويىز بەن اۆتوبۋس سوقتىعىسقان بولاتىن. الدىن الا بولجام بويىنشا, اۆتوبۋس تەمٸر جولدىڭ رەلسٸنە شىعىپ كەتكەن.
