Birikken Ulttar Uiymynyń bas hatshysy Antoniý Gýterrish elordada ótip jatqan Álemdik jáne dástúrli dinder liderleri seziniń qatysýshylaryna beineúndeý joldady, dep habarlaidy Sputnik Qazaqstan.
Ol álemdi soǵys pen qaqtyǵys, ekologiialyq daǵdarys, ashtyq pen kedeishilik jailaǵanyn aitty.
"Dini aiyrmashylyqtar negizinde jekkórinýshilik pikirler men kemsitýshilik beleń alǵan. Men dini kóshbasshylardan óz qaýymyndaǵy meiirimdilikti kótermelep, ksenofobiia, násilshildik, toleranttylyqty buzýdyń barlyq normasyn aiyptaýdy suraimyn. Biz qiyn-qystaý sátte bir otbasydai birigip, qazirgi zamannyń synaǵyna tótep berip, barshamyz úshin jaqsy álem qura alamyz", - dedi Gýterrish beineúndeýinde.
Ol din liderleriniń BUU ortaq qundylyqtaryn ilgeriletý jolyndaǵy jumysyn qatty baǵalaitynyn atap ótti. Sondai-aq BUU bas hatshysy Qazaqstan úkimetine memleket qairatkerleri men din liderleriniń basyn qosqan sezdi uiymdastyrǵany úshin rizashylyǵyn bildirdi.
Aita keteri, elordada Álemdik jáne dástúrli dinder liderleriniń VII sezi ótip jatyr. Sharaǵa elý elden 100-den astam delegatsiia, onyń ishinde islam, hristian, býddizm, iýdaizm, indýizm, daosizm, zoroastrizm, sintoizm dinderiniń ókilderi, sondai-aq saiasatkerler men qoǵam qairatkerleri, halyqaralyq uiym músheleri kelgen. Dini forýmǵa arnaiy qonaq retinde Rim papasy Frantsisk shaqyryldy.
