Memleket basshysynyń basty mindetteriniń biri – Qazaqstandy qaýipsiz ári jaily elge ainaldyrý. Bul týraly Toqaev óziniń halyqqa Joldaýynda erekshe atap ótedi. Memleket basshysynyń usynystary negizinen eldiń ishki turaqtylyǵy men syrtqy qaýipsizdigin qamtamasyz etýge baǵyttalǵan.
Toqaev eldiń syrtqy saiasatynda teńgerimdi ustanymdardy saqtaýǵa, kópvektorly saiasatty jalǵastyrýǵa jáne halyqaralyq seriktestik pen dialogty nyǵaitýǵa basa nazar aýdarady. Qazaqstannyń táýelsizdigi men aýmaqtyq tutastyǵyn saqtai otyryp, halyqaralyq uiymdarmen jáne memlekettermen bailanystardy kúsheitýge umtylýda.
Jeke adamnan bastap tutas qoǵamnyń qaýipsizdigin qamtamasyz etý – memleket úshin strategiialyq mańyzy bar basymdyq. Kóptegen elde, tipti keibir damyǵan memleketterdiń ózinde qylmys pen tártipsizdik órship turǵanyna qaramastan, biz sońǵy jyldary qaýipsiz qoǵam qurý jolynda edáýir jetistikke jettik. Kóshedegi, qoǵamdyq oryndardaǵy qylmys pen zańsyzdyq tyiylyp keledi.
Memleket basshysynyń ulttyq qaýipsizdikke qatysty negizgi ustanymdary berik ekenin aita ketken jón.
Qorytyndylai kele, Qazaqstan ádiletti ári turaqty qoǵam quryp keledi. Bul maqsatta jumystar jalǵasyn tabady. Qazaqstan zań men tártip, bilim men parasat ústemdik etetin qoǵamǵa ainalýy tiis. Bul Memleket basshysynyń ustanatyn pozitsiiasy. Qazaqstanda tiline, dinine, ultyna, áleýmettik jaǵdaiyna jáne basqa da sebepterge bailanysty eshkimge eshqandai qysym jasalmaidy, jasalýy da múmkin emes. Árine, mundai jaittar ara-tura kezdesedi. Biraq bul kóbine jekelegen adamdardyń saýatsyzdyǵy men jaýapsyzdyǵynan bolyp jatady.
Degenmen búkil qoǵamnyń jáne ár adamnyń qaýipsizdigin qamtamasyz etý Qazaqstannyń basty mindeti bolyp qala beredi. Sonda ǵana Ádiletti, Taza jáne Qaýipsiz Qazaqstan qurylady. Osy strategiialyq maqsatymyzǵa jetý úshin Astanada Qazaqstannyń tóraǵalyǵymen Aziiadaǵy ózara is-qimyl jáne senim sharalary jónindegi keńeske, Táýelsiz Memleketter Dostastyǵyna, Shanhai yntymaqtastyq uiymyna, Túrki memleketteri uiymyna múshe elder basshylarynyń sammitteri siiaqty birqatar mańyzdy halyqaralyq is-shara ótti.
Qazaqstan Birikken Ulttar Uiymy men basqa da halyqaralyq uiymdardyń terrorizmge, ekstremizmge, zańsyz kóshi-qonǵa, klimattyń ózgerýine jáne ózge de qaýip-qaterlerge qarsy kúresý jolyndaǵy talpynystaryn quptaidy. Sondai-aq Birikken Ulttar Uiymynyń bitimgerlik qyzmetin, qarýsyzdanýǵa qatysty bastamalaryn barynsha qoldap, qarýly qaqtyǵystardy diplomatiialyq jolmen sheshýge tyrysady.
