Muqtaj adamdarǵa naqty kómek kórsetiledi. Bul týraly respýblikalyq telearnalardyń efirinen elimizdegi tótenshe jaǵdaiǵa jáne memlekettiń daǵdarysqa qarsy is-sharalaryna bailanysty málimdemesinde Prezident Qasym-Jomart Toqaev aitty, dep habarlaidy "Ult aqparat".
«Koronavirýs indetine bailanysty barshamyz kúrdeli kezeńdi ótkerip otyrmyz. Biraq, bul – ýaqytsha qiyndyq. Biz ony mindetti túrde jeńemiz! Búkil álem kúresýde. Biz de bar kúsh-jigerimizdi salamyz. Biz, memleket jáne qoǵam bolyp barsha azamattarymyzǵa qoldaý kórsetemiz, eshkimdi kómeksiz qaldyrmaimyz. Muqtaj adamdarǵa qol ushyn beremiz. Buǵan eshqandai kúmán bolmaýy kerek», - dedi Memleket basshysy.
Osy oraida Prezident eń bastysy, shydamdylyq, tózimdilik jáne jaýapkershilik tanytýǵa shaqyrdy.
«Biz – rýhy asqaq, birligi bekem, eńsesi biik halyqpyz. Sondyqtan, bul synaqtan da súrinbei ótip, qiyndyqty birge eńseremiz dep senemin. Basty toilarymyz áli alda. Tórt qubylamyz túgel bolsyn, aǵaiyn! Biz birgemiz!», - dedi Qasym-Jomart Toqaev.
Budan buryn habarlanǵandai, Memleket basshysy 42 500 teńge kólemindegi kómekti alatyn azamattardyń sanaty keńeitiletinin aitty.
Sonymen qatar Prezident elimizde koronavirýsqa bailanysty dúrbeleń týǵyzýǵa jol berilmeitinin atap ótti.
.jpeg)