Memleket basshysy AQSh-tyń Qazaqstandaǵy Tótenshe jáne Ókiletti elshisi Ýiliam Mozerdi elimizdegi diplomatiialyq missiiasynyń aiaqtalýyna bailanysty qabyldady, - dep habarlaidy "Ult aqparat" akorda.kz saityna silteme jasap.
Qasym-Jomart Toqaev Qazaqstan men Qurama Shtattar arasyndaǵy strategiialyq seriktestikti keńeitýge qosqan úlesi úshin amerikalyq diplomatqa alǵys aitty.
AQSh-tyń elshisi retinde atqarǵan qajyrly eńbegińizge rizashylyǵymdy bildiremin. Qurama Shtattar – Qazaqstannyń Táýelsizdigin alǵash bop moiyndaǵan elderdiń biri. Biz muny eshqashan umytpaimyz, – dedi Prezident.
Memleket basshysy dostas eki el halyqtarynyń igiligi jolynda Qazaqstannyń AQSh-pen aradaǵy konstrýktivti yntymaqtastyǵyn keńeitýge beiildi ekenin naqtylady.
Ýiliam Mozer Qasym-Jomart Toqaevqa qoldaý kórsetkeni úshin alǵys aityp, elimizde júrgizilip jatqan saiasi jáne ekonomikalyq reformalardy joǵary baǵalady. Sonymen qatar, amerikalyq diplomat Vashingtonnyń Ortalyq Aziiadaǵy turaqtylyq pen qaýipsizdikti qamtamasyz etýge nietti ekenin jetkizdi.
Kezdesý barysynda ekijaqty yntymaqtastyqqa jáne aimaqtyq kún tártibine, sonyń ishinde Aýǵanstandaǵy jaǵdaiǵa qatysty ózekti máseleler talqylandy.
Áńgimelesý sońynda Qasym-Jomart Toqaev Ýiliam Mozerge alǵys hat pen arnaýly tósbelgi tabys etip, aldaǵy diplomatiialyq qyzmetine jetistik tiledi.
