مەملەكەت باسشىسى اقش-تىڭ قازاقستانداعى تٶتەنشە جەنە ٶكٸلەتتٸ ەلشٸسٸ ۋيليام موزەردٸ ەلٸمٸزدەگٸ ديپلوماتييالىق ميسسيياسىنىڭ اياقتالۋىنا بايلانىستى قابىلدادى, - دەپ حابارلايدى "ۇلت اقپارات" akorda.kz سايتىنا سٸلتەمە جاساپ.
قاسىم-جومارت توقاەۆ قازاقستان مەن قۇراما شتاتتار اراسىنداعى ستراتەگييالىق سەرٸكتەستٸكتٸ كەڭەيتۋگە قوسقان ٷلەسٸ ٷشٸن امەريكالىق ديپلوماتقا العىس ايتتى.
اقش-تىڭ ەلشٸسٸ رەتٸندە اتقارعان قاجىرلى ەڭبەگٸڭٸزگە ريزاشىلىعىمدى بٸلدٸرەمٸن. قۇراما شتاتتار – قازاقستاننىڭ تەۋەلسٸزدٸگٸن العاش بوپ مويىنداعان ەلدەردٸڭ بٸرٸ. بٸز مۇنى ەشقاشان ۇمىتپايمىز, – دەدٸ پرەزيدەنت.
مەملەكەت باسشىسى دوستاس ەكٸ ەل حالىقتارىنىڭ يگٸلٸگٸ جولىندا قازاقستاننىڭ اقش-پەن اراداعى كونسترۋكتيۆتٸ ىنتىماقتاستىعىن كەڭەيتۋگە بەيٸلدٸ ەكەنٸن ناقتىلادى.
ۋيليام موزەر قاسىم-جومارت توقاەۆقا قولداۋ كٶرسەتكەنٸ ٷشٸن العىس ايتىپ, ەلٸمٸزدە جٷرگٸزٸلٸپ جاتقان ساياسي جەنە ەكونوميكالىق رەفورمالاردى جوعارى باعالادى. سونىمەن قاتار, امەريكالىق ديپلومات ۆاشينگتوننىڭ ورتالىق ازيياداعى تۇراقتىلىق پەن قاۋٸپسٸزدٸكتٸ قامتاماسىز ەتۋگە نيەتتٸ ەكەنٸن جەتكٸزدٸ.
كەزدەسۋ بارىسىندا ەكٸجاقتى ىنتىماقتاستىققا جەنە ايماقتىق كٷن تەرتٸبٸنە, سونىڭ ٸشٸندە اۋعانستانداعى جاعدايعا قاتىستى ٶزەكتٸ مەسەلەلەر تالقىلاندى.
ەڭگٸمەلەسۋ سوڭىندا قاسىم-جومارت توقاەۆ ۋيليام موزەرگە العىس حات پەن ارناۋلى تٶسبەلگٸ تابىس ەتٸپ, الداعى ديپلوماتييالىق قىزمەتٸنە جەتٸستٸك تٸلەدٸ.
