Almatyda ótken H Azamattyq forým barysynda «Shyraq» múgedektigi bar áielder qaýymdastyǵy» qoǵam birlestiginiń basshysy Lázzat Qaltaeva inkliýziia máselelerine toqtaldy, dep habarlaidy QazAqparat agenttigi.
Onyń aitýynsha, 30 jyl – ótkenge kóz júgirtip, búgingi jaǵdaidy baǵalap, eń bastysy, bolashaqqa maqsat pen strategiiany qurýǵa bolatyn tamasha sát.
«Men sózimdi terminologiiadan bastaǵym keledi. Biz «múgedek» degen eskirgen, onyń ústine kemsitýshilik termininen qutylamyz. Qazaqstanda «múgedek» terminin «múgedektigi bar adam» dep aýystyrý josparlanyp otyr. Múmkindigi shekteýli qazaqstandyqtardyń qozǵalysy úshin bul óte mańyzdy. Jańa termin múgedek saiasatyna jańa kózqaras bolmaq. Bul paradigmanyń qozaǵalýyn bildiredi, munda adam tek qaiyrymdylyq pen áleýmettik qamsyzdandyrý obektisi ǵana bolmaidy, eń aldymen adam quqyǵynyń iesi, qoǵamymyzdyń teń quqyly múshesi bolady», - deidi spiker.
Sonymen qatar, ol múmkindigi shekteýli adamdardyń qoǵamdaǵy damýy, qoǵamnyń bundai adamdarǵa degen kózqarasy, sondai-aq eshqandai bógetsiz azamattyq qoǵam qurý qajettiligi týraly aitty.
«Múmkindigi shekteýli jandardyń áleýetine erekshe nazar aýdarý qajet. Olardyń quzyrettiligin damytyp, ashyq eńbek naryǵyna shyǵarýymyz kerek. Adam óz daǵdylaryn umytpai, jumysqa tezirek oralýy úshin ońaltý qysqa jáne tiimdi bolýy shart. Bul baǵytta bizdiń uiymdar jumys istep jatyr jáne biz olarǵa qoldaý kórsetýimiz kerek. Stereotipter men teris pikirdi buzý, qorqynysh pen senimsizdikti jeńýge kómektesý mańyzdy. Múmkindigi shekteýli jandar úshin ǵana emes, jumys berýshiler úshin de, búkil qoǵam úshin de qajet. Múmkindigi shekteýli adamdar resýrs bola alady jáne bolýy kerek. Muny halyqaralyq tájiribe dáleldep otyr. Qazir biz memleketti basqarýǵa qatysýǵa, onyń damýyna úles qosýǵa teń múmkindikterge ie bolýy kerektigi týraly kóbirek aityp jatyrmyz», - dedi «Shyraq» múgedektigi bar áielder qaýymdastyǵy» qoǵam birlestiginiń basshysy Lázzat Qaltaeva.
