الماتىدا ٶتكەن ح ازاماتتىق فورۋم بارىسىندا «شىراق» مٷگەدەكتٸگٸ بار ەيەلدەر قاۋىمداستىعى» قوعام بٸرلەستٸگٸنٸڭ باسشىسى لەززات قالتاەۆا ينكليۋزييا مەسەلەلەرٸنە توقتالدى, دەپ حابارلايدى قازاقپارات اگەنتتٸگٸ.
ونىڭ ايتۋىنشا, 30 جىل – ٶتكەنگە كٶز جٷگٸرتٸپ, بٷگٸنگٸ جاعدايدى باعالاپ, ەڭ باستىسى, بولاشاققا ماقسات پەن ستراتەگييانى قۇرۋعا بولاتىن تاماشا سەت.
«مەن سٶزٸمدٸ تەرمينولوگييادان باستاعىم كەلەدٸ. بٸز «مٷگەدەك» دەگەن ەسكٸرگەن, ونىڭ ٷستٸنە كەمسٸتۋشٸلٸك تەرمينٸنەن قۇتىلامىز. قازاقستاندا «مٷگەدەك» تەرمينٸن «مٷگەدەكتٸگٸ بار ادام» دەپ اۋىستىرۋ جوسپارلانىپ وتىر. مٷمكٸندٸگٸ شەكتەۋلٸ قازاقستاندىقتاردىڭ قوزعالىسى ٷشٸن بۇل ٶتە ماڭىزدى. جاڭا تەرمين مٷگەدەك ساياساتىنا جاڭا كٶزقاراس بولماق. بۇل پاراديگمانىڭ قوزاعالۋىن بٸلدٸرەدٸ, مۇندا ادام تەك قايىرىمدىلىق پەن ەلەۋمەتتٸك قامسىزداندىرۋ وبەكتٸسٸ عانا بولمايدى, ەڭ الدىمەن ادام قۇقىعىنىڭ يەسٸ, قوعامىمىزدىڭ تەڭ قۇقىلى مٷشەسٸ بولادى», - دەيدٸ سپيكەر.
سونىمەن قاتار, ول مٷمكٸندٸگٸ شەكتەۋلٸ ادامداردىڭ قوعامداعى دامۋى, قوعامنىڭ بۇنداي ادامدارعا دەگەن كٶزقاراسى, سونداي-اق ەشقانداي بٶگەتسٸز ازاماتتىق قوعام قۇرۋ قاجەتتٸلٸگٸ تۋرالى ايتتى.
«مٷمكٸندٸگٸ شەكتەۋلٸ جانداردىڭ ەلەۋەتٸنە ەرەكشە نازار اۋدارۋ قاجەت. ولاردىڭ قۇزىرەتتٸلٸگٸن دامىتىپ, اشىق ەڭبەك نارىعىنا شىعارۋىمىز كەرەك. ادام ٶز داعدىلارىن ۇمىتپاي, جۇمىسقا تەزٸرەك ورالۋى ٷشٸن وڭالتۋ قىسقا جەنە تيٸمدٸ بولۋى شارت. بۇل باعىتتا بٸزدٸڭ ۇيىمدار جۇمىس ٸستەپ جاتىر جەنە بٸز ولارعا قولداۋ كٶرسەتۋٸمٸز كەرەك. ستەرەوتيپتەر مەن تەرٸس پٸكٸردٸ بۇزۋ, قورقىنىش پەن سەنٸمسٸزدٸكتٸ جەڭۋگە كٶمەكتەسۋ ماڭىزدى. مٷمكٸندٸگٸ شەكتەۋلٸ جاندار ٷشٸن عانا ەمەس, جۇمىس بەرۋشٸلەر ٷشٸن دە, بٷكٸل قوعام ٷشٸن دە قاجەت. مٷمكٸندٸگٸ شەكتەۋلٸ ادامدار رەسۋرس بولا الادى جەنە بولۋى كەرەك. مۇنى حالىقارالىق تەجٸريبە دەلەلدەپ وتىر. قازٸر بٸز مەملەكەتتٸ باسقارۋعا قاتىسۋعا, ونىڭ دامۋىنا ٷلەس قوسۋعا تەڭ مٷمكٸندٸكتەرگە يە بولۋى كەرەكتٸگٸ تۋرالى كٶبٸرەك ايتىپ جاتىرمىز», - دەدٸ «شىراق» مٷگەدەكتٸگٸ بار ەيەلدەر قاۋىمداستىعى» قوعام بٸرلەستٸگٸنٸڭ باسشىسى لەززات قالتاەۆا.
