Astanada Dimash Qudaibergendi Qazaq ulttyq óner ýniversitetinde QR mádeniet jáne sport ministri Arystanbek Muhamediuly men JOO ókilderi, sondai-aq, stýdentter kútip aldy, - dep habarlaidy "Ult aqparat" kaz.tengrinews.kz portalyna silteme jasap.
I Am a Singer shoýynyń qatysýshysy Dimash Qudaibergen jaily derekti filmniń túsirilim jumystary búgin Astanada jalǵasty.
Ánshiniń PR-direktory Alpamys Sharimov ýniversitet ókilderiniń bulai kútip alatynyn bilmegenin aitady. Al jýrnalisterdiń "Dimash Qudaibergendi Qazaqstanda nelikten Qytaidaǵydai kóptegen jankúieri kútip alǵan joq?" degen suraǵyna ol bylai dep jaýap berdi: "Dimashtyń elge oralǵanyn eshkim bilgen joq, aitylǵan joq. Jankúierlerdiń qaidan bilip qoiǵanyn da bilmeimiz. Biz meilinshe tyǵylyp kelýge tyrystyq. Biraq bizdi kútip alǵan adamdarǵa alǵysymyz sheksiz. Ǵalamtorda "Nege Dimashty Qytaidaǵydai qarsy almaidy" dep aityp jatady. Qytaida bilet alǵan adamnyń esimi Internette turady, sodan bastap kimniń qai reispen qaida ushatynyn bilip otyrady. Al Qazaqstanda ondai joq. Qytaida fanattary Dimashty shyǵaryp salyp, kútip alyp qana qoimai, onymen birge bilet alyp, bir ushaqta ushady. Tipti biznes-klassta otyrý úshin bilet alady. Sondyqtan eki jaqtyń bilet alý júiesine bailanysty eki elde árqalai dep oilaimyn. Tipti aldyńǵy kúni elge qarai ushyp kele jatqanymyzda Úrimshige deiin birge ushyp kelgen jankúierleri boldy. Dimashtyń janyndaǵy oryndar biznes-klass bolsa da, 30 minýt ishinde tolyp qalatyn boldy. Birge ushyp qana qoimai, Dimashqa syilyqtaryn da berip jatady", - dep áńgimeledi Sharimov.
Dimash Qudaibergen Qytaiǵa erteń, 28 aqpanda ushyp ketedi eken. "Erteń, tańǵy ýaqytta Qytaiǵa ushyp ketemiz. Keshe Adagio ánin qalai oryndaǵanyn kórdińizder. Alda qazaq áni "Daididaýdan" bastap, taǵy jeti týr bolady. Sondyqtan barlyǵyn basynan bastaityndai kúi kesheiin dep turmyz. Menińshe, kelesi kezeńder qiyn bolady, sebebi jańa ánshiler qosylyp jatyr, olar jańa kúshpen kelip jatyr. Baiqaýdyń aty "Men - ánshimin", sondyqtan ortadan qosylǵan ánshilerden de asyp túsýiń kerek. Bul - titandar shaiqasy", - dep málimdedi Alpamys Sharimov.
Aita keteiik, osyǵan deiin Qytaida ótip jatqan mýzykalyq konkýrstyń altynshy kezeńinde Dimash Qudaibergen Lara Fabiannyń Adagio ánin oryndaǵan bolatyn. Qazaqstandyq ánshi bul konkýrsta osymen úshinshi ret birinshi oryn alyp otyr. Keiin Lara Fabian Dimash Qudaibergendi millionnan asa tyńdarmany bar paraqshasynda quttyqtaǵan bolatyn. Tegter: Astana, Dimash Qudaibergen, mýzyka, Shoý-biznes, Qytai Taqyryp boiynsha siltemeler: Lara Fabian Dimash Qudaibergendi millionnan asa tyńdarmany bar paraqshasynda quttyqtady Dimash Qudaibergen Lara Fabiannyń Adagio ánin oryndady - VIDEO Dimash Qudaibergenniń Astanaǵa ne sebepti kelgeni belgili boldy "Shoý-biznes" aidaryndaǵy basqa jańalyqtar : Esentaeva sottalǵan eks-kúieýine qatysty úkimdi ózgertýdi surap Joǵarǵy sotqa ótinish jazdy Qytaidaǵy aýqatty jankúierler Dimash Qudaibergendi qoldaýdyń erekshe ádisin tapty Djastin Biberdiń tóbelesi videoǵa túsip qaldy Jelide Djeki Chan men Dimash Qudaibergenniń kezdesýinde túsirilgen video paida boldy Belgisiz bir áiel Baian Maqsatqyzymen bolǵan kezdesýde janjal shyǵardy.
