Úkimet úiinde Memleket basshysynyń sailaýaldy baǵdarlamasyn jáne Úkimettiń 12 jeltoqsandaǵy keńeitilgen otyrysynda berilgen tapsyrmalardy iske asyrý jónindegi sharalar qaraldy, dep habarlaidy primeminister.kz saity.
Búgin Premer-Ministr Álihan Smaiylovtyń tóraǵalyǵymen ótken Úkimet otyrysynda qarjy, indýstriia jáne infraqurylymdyq damý, energetika, aýyl sharýashylyǵy, tsifrlyq damý, innovatsiialar jáne aeroǵarysh ónerkásibi, ekologiia, geologiia jáne tabiǵi resýrstar, eńbek jáne halyqty áleýmettik qorǵaý, densaýlyq saqtaý, oqý-aǵartý, ǵylym jáne joǵary bilim, mádeniet jáne sport, aqparat jáne qoǵamdyq damý, ádilet, tótenshe jaǵdailar, ishki ister ministrleri men ulttyq ekonomika birinshi vitse-ministri jáne t. b. baiandama jasady.
Baiandamashylardy tyńdap bolǵan Premer-Ministr biyl Qazaqstannyń kúrdeli geosaiasi jaǵdaiǵa bailanysty birqatar qiyndyqqa tap bolǵanyn atap ótti. Bul baǵanyń ósýine, infliatsiiaǵa, ekonomikalyq damýdyń báseńdeýine ákep soqty.
«2023 jyly bizdi jańa syn-qaterler men táýekelder kútip tur. Sondyqtan biz Prezidenttiń sailaýaldy baǵdarlamasy men tapsyrmalaryn sapaly iske asyrý úshin barynsha kúsh salýymyz kerek. Sondai-aq biz fors-major jaǵdailarǵa barynsha tez áreket etýimiz qajet. Ár ministr óz salasy boiynsha tapsyrmalardyń 100%-ǵa oryndalýyna kepildik berýi tiis. Al árbir ákim jergilikti jerlerde áleýmettik-ekonomikalyq máselelerdiń sapaly sheshilýin qamtamasyz etýi kerek», — dedi Álihan Smaiylov.
Premer-Ministr tsifrlyq jobalyq ofis aiasynda barlyq baǵdarlamanyń, jobalar men Memleket basshysynyń tapsyrmalarynyń oryndalýyn turaqty túrde baqylaitynyn aityp ótti.
«Merziminde oryndalmasa nemese oryndalý sapasy nashar bolsa, dereý kadrlyq sheshimder qabyldanady», — dedi Úkimet basshysy.
Álihan Smaiylov Memleket basshysynyń sailaýaldy baǵdarlamasyn iske asyrý jónindegi is-qimyl josparynyń is-sharalaryn ministrlikterdiń salalyq tujyrymdamalary men damý josparlaryna qosýdy tapsyrdy.
Odan bólek, Úkimet basshysy memlekettik basqarý deńgeileri arasynda fýnktsiialardy qaita bólý arqyly zańnamalyq aktilerdi júieli tekserýdi aiaqtaý, qazirgi syn-qaterlerdi eskere otyryp, infliatsiiany baqylaý jáne tómendetý jónindegi sharalar keshenin jańartý jáne bir ai merzimde halyqtyń tabysyn arttyrý baǵdarlamasyn ózektendirý qajettigin atap ótti.
Sonymen qatar Premer-Ministr «Qarapaiym zattar ekonomikasy» baǵdarlamasy aiasynda syiaqy mólsherlemelerin sýbsidiialaý merzimin 7 jylǵa deiin uzartý múmkindigin qarastyrý, tutynýshylyq kredit berý kólemin qysqartý sharalaryn ázirleý jáne Ulttyq qordan transfertterdi birtindep tómendetýdi qamtamasyz etý kerektigin aitty.
Oǵan qosa, biýdjetteý tásilderin odan ári jetildirý, ortalyq jáne jergilikti atqarýshy organdardyń birinshi basshylaryna kóbirek derbestik berý, sondai-aq Ekonomikany demopolizatsiialaý jónindegi vedomstvoaralyq komissiianyń jumysyn kúsheitý boiynsha jumys júrgizilýi tiis.
Álihan Smaiylov zań buzýshylyqpen berilgen ken oryndaryn memleket menshigine qaitarý jóninde sharalar qabyldaý, káriz-tazartý qurylystaryn salý jáne jańǵyrtý jónindegi jobalardy iske asyrýdy jedeldetý, respýblikadaǵy árbir JEO-nyń jai-kúiin keshendi qaraý jáne Almatyda JEO-2 jáne JEO-3 úshin qajetti gaz infraqurylymyn júrgizý jónindegi jumysty jandandyrý qajettigine nazar aýdardy.
Sonymen qatar Premer-Ministr aýyl sharýashylyǵy ministrligine memleket menshigine qaitarylǵan aýyl sharýashylyǵy jerleriniń ashyq tsifrlyq kartasyn jasaýdy tapsyrdy. Olardy bólý tetigi aiqyn bolýy kerek. Al óńirlerdiń ákimderine olardy sheshýdiń naqty algoritmderin ázirlei otyryp, turǵyndar tarapynan týyndaityn problemalyq máselelerge ýaqytyly monitoring júrgizýdi qamtamasyz etý tapsyryldy.
