Tuńǵysh Prezident Nursultan Nazarbaev qazaqstandyqtardy Naýryz meiramymen quttyqtady, dep habarlaidy "Ult aqparat" Elbasynyń resmi saityna silteme jasap.
«Qurmetti otandastar!
Barshańyzdy Ulystyń uly kúni – Naýryz merekesimen quttyqtaimyn!
Biz osy jarqyn meiramdy árdaiym asyǵa kútemiz.
Bul – tirshilik ataýly jandanyp, jer-dúnie jańaratyn kezeń.
Biyl biz Naýryzdy birinshi ret merekelik jiyndar men saltanatty is-sharalarsyz atap ótip jatyrmyz.
Onyń ózindik sebebi bar.
Búkil dúniege taraǵan virýs qaýpine tap boldyq.
Biraq kóktemniń kelýi men merekelik kóńil-kúige bólenýge eshteńe kedergi bola almaidy.
Biz birtutas halyqpyz jáne elimizdi órkendetý jolynda jumyla jumys isteýge daiynbyz», - dedi Elbasy.
N.Nazarbaev elimiz aldynda turǵan barlyq synaqtardan aýyzbirlik pen tabandylyqtyń arqasynda súrinbei ótetinimizge senimdilik bildirdi.
«Ultty uiystyrǵan dástúrli merekemiz barshanyń úmitin aqtap, jańa belesterdi baǵyndyrý úshin kúsh-qýat pen qajymas qairat ákelsin.
Osynaý shýaqty meiramda árbir shańyraq shattyq pen igilikke tolsyn.
Barshańyzǵa yrys-yntymaq, densaýlyq pen baq-bereke tileimin!
Ulys oń bolsyn, aq mol bolsyn!», - delingen quttyqtaýda.
.jpeg)