Birlik kúni qarsańynda alǵash ret 10 respýblikalyq telearnanyń tikelei efirinde «Biz birgemiz» jalpyulttyq telemarafony ótedi, dep habarlaidy "Ult aqparat".
Telemarafonnyń basty keiipkerleri – tabiǵi apat kezeńinde batyldyq tanytyp, óz ómiri men densaýlyǵyn qaýip-qaterge tige otyryp qyzmeti men azamattyq boryshyn abyroimen atqarǵan qazaqstandyqtar.
Olardyń qatarynda qutqarýshylar, meditsina qyzmetkerleri, áskeri qyzmetshiler, eriktiler, kásipkerler men syn saǵatta judyryqtai jumylyp, yntymaq pen birliktiń úlgisin tanytqan el turǵyndary bar.
«Qazaqstan», «Habar», «Jibek Joly», «Eýraziia birinshi arnasy», «KTK», «31 arna», «Atameken Business», «Astana TV», «7 arna» jáne «Almaty TV» telearnalarynyń 5 saǵattyq tikelei efirinde tasqyn basqan aýmaqty kózben kórip, tabiǵi apattan zardap shekken turǵyndarynyń jan tebirenter oqiǵalary, tabiǵi apat aimaqtarynan reportajdar beriledi.
Sondai-aq telemarafonda resmi organ ókilderi óńirlerdegi apat saldaryn joiý jáne qalpyna keltirý jumystary men azamattardy turǵyn úimen qamtamasyz etý, infraqurylymdy qalpyna keltirý, materialdyq shyǵyndardy óteý jónindegi memleket qabyldap jatqan sharalar týraly esep beredi.
«Biz birgemiz» telemarafonynda Qazaqstannyń 8 óńirinen: Atyraý, Aqtóbe, Batys Qazaqstan, Qostanai, Soltústik Qazaqstan, Qaraǵandy, Pavlodar jáne Jambyl oblystarynan tikelei qosylym uiymdastyrylady.
Sharanyń onlain transliatsiiasy 10 telearnanyń resmi saittarynda, Facebook jáne YouTube jelilerinde júrgiziledi. Marafon materialdary http://t.me/bizbirgemiz_marathon Telegram-arnasynda jariialanady.
Ótetin kúni: 30 sáýir 2024 jyl
Ótetin ýaqyty: 17:00 – 22:00
