«Biz birgemiz» respýblikalyq aktsiiasy aiasynda Almaty oblysynda 24400 adamǵa 255 mln teńgeniń kómegi kórsetildi, dep habarlaidy "Ult aqparat".
Naýryz aiynda elimizde koronavirýs indetine bailanysty tótenshe jaǵdaidyń oryn alýyna bailanysty Elbasynyń bastamasymen «Biz Birgemiz» aktsiiasy bastaý aldy. Shara aiasynda Jetisýdyń volonter jastary da bilek sybana jumys istep, muqtaj azamattarǵa qajetti azyq-túlik, antiseptikalyq quraldarmen qamtýda kómek qolyn sozyp, sonymen qatar, Maqtaaral aýdanyna da baryp kómek kórsetti.
«Biz Birgemiz» respýblikalyq aktsiiasy boiynsha aǵymdaǵy jyldyń 19 naýryzy men 22 maýsym aralyǵynda partiianyń aimaqtyq jáne aýmaqtyq filialdary tarapynan, «Jas Otan» jastar qanatynyń jastary men eriktileri partiianyń «Baqytty otbasy», «Ardagerlerdi ardaqtaiyq» jáne «Kedergisiz keleshek» jobalary aiasynda partiia músheleriniń, ár deńgeidegi máslihat depýtattarynyń qoldaýymen eseptik kezeńde 24 440 adamǵa 255 mln teńge kóleminde arnaiy azyq-túlik jáne jeke gigiena zattary, antiseptikalyq quraldar, meditsinalyq maskalar satyp alynyp, muqtaj jandarǵa tegin berildi.
