Ahmen Baitursynuly siiaqty jasampaz tulǵalardyń eńbegi táýelsizdik qundylyqtarymen tikelei astasyp jatyr. Astanadaǵy Ahmet Baitursynulynyń 150 jyldyǵyna arnalǵan halyqaralyq ǵylymi-praktikalyq konferentsiiada QR Memlekettik hatshysy Erlan Qarin osyndai oi aitty, dep habarlaidy QazAqparat.
«Jiyrmasynshy ǵasyr basynda qazaq ziialylary uiymdasyp, halqynyń azattyǵy úshin kúreske shyqqany barshańyzǵa málim. Ahmet Baitursnuly osy kúreste Álihan Bókeihan, Mirjaqyp Dýlat, Jaqyp Aqbaev siiaqty serikterimen birge ulttyń kóshin bastady.
Ahań Alash qozǵalysynyń qarlyǵashy – Qarqaraly quzyrhatyn uiymdastyrdy. Halyqty oiatqan «Qyryq mysal», «Masa» poeziialyq jinaqtaryn shyǵardy, «Til quraldaryn» jazyp, eldiń jappai saýatyn ashty. Ultty ún jariiasy bolǵan «Qazaq» gazetiniń bas redaktory boldy. Bul Ahańnyń elge sińirgen ólsheýsiz eńbeginiń bir parasy ǵana», - dedi Memlekettik hatshy.
Sondai-aq, ol Ahmet Baitursynuly ómir súrgen zaman –qazaqtyń joǵyn joqtap, baryn túgendegen dúbirli dáýir dep esepteitinin jetkizdi.
«Halqymyz úshin asa kúrdeli kezeńde olar naǵyz ult qairatkeri bola bildi. Alash arystary óz zamandastarynyń ǵana emes, keiingi barsha urpaqtyń boiyna el úshin emirene eńbek etýge degen qulshynysty sińire aldy. Qazirgi táýelsizdik dáýiriniń perzentteri sol taǵylymmen sýsyndap keledi. Biz alash qairetkerleriniń dara jolynan ónege alyp qana qoimai, ony árdaiym basty baǵdar etip ustanamyz. Óitkeni Ahań siiaqty jasampaz tulǵalardyń eńbegi táýelsizdik qundylyqtarymen tikelei astasyp jatyr», - dedi Erlan Qarin.
