Biylǵy Ulttyq biryńǵai testileýge tórtinshi toqsandaǵy baǵdarlamanyń suraqtary engizilmeitin boldy. Bul týraly Nur-Sultan qalalyq bilim basqarmasynyń basshysy Sholpan Qadyrova málim etti, dep habarlaidy "Ult aqparat".
«Ulttyq biryńǵai testileýdi ótkizý tártibi burynǵy formatta qalady. Mektep túlekteriniń UBT-ǵa qatysýǵa onlain ótinim berý 1 sáýir men 10 mamyr aralyǵynda ótkiziledi», - dedi Sholpan Qadyrova baspasóz máslihatynda.
Onyń aitýynsha, osy jyly túlekter UBT-ny 11-shi synyptyń tórtinshi toqsan baǵdarlamasynyń suraqtarynsyz tapsyrady
«Iaǵni olar 5-shi synyptan 11-shi synyptyń úsh toqsany boiynsha oqyǵan bilimi boiynsha test synaǵynan ótedi. Testileý kezinde barlyq sanitarlyq sharalar qabyldanady», - dedi ol.
