QR Mádeniet jáne sport ministri Aqtoty Raiymqulova Paralimpiada chempiondaryn jeńisimen quttyqtady, dep habarlaidy QazAqparat.
«Búgin Tokio tórindegi bairaqty básekeden oza shaýyp, qazaq halqyna olja alyp kelgen el Táýelsizdiginiń 30 jyldyǵyna altyn, kúmis jáne qola medal syilaǵan paralimpiadashy sportshylarǵa saltanatty túrde qurmet kórsetýge jinalyp otyrmyz. Tarihi jeńiske toly Paralimpiada oiyndary keshe ǵana shymyldyǵyn japty. Elge oralǵan azamattarymyzben osy zalda kezdesip otyrǵanymyzǵa qýanyshtymyz», - dedi Mádeniet jáne sport miinstri saltanatty sharada.
Aita keteiik, Paralimpiada oiyndarynda Qazaqstan 5 medal aldy. Onyń bireýi - altyn, 3-eýi kúmis, 1-i qola medal.
Jalpy komandalyq esepte qazaqstandyq sportshylar 51-orynǵa taban tiredi.
Búgin Prezident Qasym-Jomart Toqaevtyń Jarlyǵymen David Degtiarev III dárejeli «Barys» ordenimen, Zarina Baibatina, Temirjan Dáýlet, Ánýar Sarievter «Parasat» ordenimen, Nurdáýlet Jumaǵali «Qurmet» ordenimen marapattaldy.
Qyrymbek Kósherbaev is-shara barysynda altyn medal alǵan David Degtiarevke 106 million teńge, kúmis medalge ie bolǵan Zarina Baibatina, Temirjan Dáýlet, Ánýar Sarievterge 63 million teńge, qola júldeger atanǵan Nurdáýlet Jumaǵalige 31 million teńge qarjylai syiaqy tabystady.
