Biyl taýar óndirisi 5,8 paiyzǵa ósti. Ulttyq ekonomika ministri Rýslan Dálenov osylai málimdedi, dep habarlaidy QazAqparat.
«2019 jyly JIÓ ósimi 4,5 paiyzdy qurady, infliatsiia – 5,4 paiyz. Negizgi kapitalǵa salynǵan infvestitsiialar 8,5 paiyzǵa ósti. Jumyssyzdyq 4,8 paiyz deńgeiinde boldy. Eksport 58 mlrd dollardy qamtydy. Jalpy, syrtqy saýda ainalymy 96 mlrd dollarǵa jetti. Bul bizdiń 2019 jyldaǵy kórsetkishter», - dedi ministr onlain rejimde halyq aldynda esep berý barysynda.
Onyń sózine qaraǵanda, karantindik sharalar aiasynda jyl basynan álemdik ekomikada iskerlik belsendik deńgeiiniń baiaýlaǵany, sondai-aq negizgi birjalyq taýarlarǵa koniýnktýranyń tómendeýi baiqalýda.
«Biylǵy 4 aida eldiń áleýmettik-ekonomikalyq damýy qorytyndylaryna toqtalyp ótpekpin. JIÓ 0,2 paiyzǵa tómendedi. Sonymen birge, taýar óndirisi 5,8 paiyzǵa ósti. Degenmen qyzmetter 4 paiyzǵa qysqardy», - dedi R. Dálenov.
Onyń sózine qaraǵanda, negizgi kapitalda investitsiianyń ósimi naqty mánde 0,9 paiyzdy qurady. Bul byltyrǵy kórsetkishten tómen. Degenmen ósimniń ońtaily artýy saqtalýda. Investitsiia tartý baǵytynda jańa qadamdar eskerilýde.
«Biylǵy qańtar-sáýirde eksport 18 mlrd dollar boldy. Jalpy, tórt aidyń nátijesinde qyzmet kórsetý sektorynyń baiaýlaýy turǵysynda JIÓ kólemi 0,2 paiyzǵa tómendedi», - dep túsindirdi ministr.
