Biylǵy el ekonomikasynyń ósim boljamy 2,1 paiyzǵa deiin tómendetildi. Bul týraly búgin Úkimet otyrysynda QR Ulttyq ekonomika ministri Álibek Qýantyrov aitty, dep habarlaidy QazAqparat.
«Munai naryǵynda jyl basynan beri munaidyń Brent markasynyń ortasha baǵasy barreline 98 AQSh dollardy qurady. Bul rette munai baǵasy boiynsha Dúniejúzilik qarjy uiymdary 2022 jyly munai baǵasyn 74 AQSh dollarmen 105 AQSh dollar aralyǵynda boljamdaidy. Osyǵan bailanysty, makrokórsetkishterdi naqtylaý kezinde munaidyń ortasha jyldyq baǵasy barreline 90 AQSh dollar deńgeiinde aiqyndaldy. Joǵaryda aitylǵandardy eskere otyryp, el ekonomikasynyń ósý boljamy 3,9-dan 2,1 paiyzǵa deiin tómendedi», - dedi ol.
Bul rette ministrdiń aitýynsha, nominaldy jalpy ishki ónim 91,5 trln teńge kóleminde baǵalanýda. Bul maquldanǵan boljamnan 3,5 trln teńgege joǵary.
«Óńdeýshi ónerkásiptegi boljamdy kórsetkishter álemde protektsionizmniń kúsheýiýine jáne tarifterdiń ósýine bailanysty metallýrgiiadaǵy óndiriske shekteý qoiý saldarynan 3,5-ten 2,9 paiyzǵa deiin tómendetildi. Qurylysta ósim buryn maquldanǵan deńgeige sáikes bolady – 3,8 paiyz. Aqparat pen bailanysta aqparattyq qyzmetterge suranystyń tómendeýi saldarynan boljam 8,3-ten 5 paiyzǵa deiin qysqartyldy», - dedi ministr.
