2021 jyldyń 1-toqsanynda kásiporyndardyń ekonomikalyq belsendiligi álsiz ósedi. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Qazaqstanda iskerlik belsendilik ónerkásiptegi iskerlik belsendiliktiń baiaýlaýy jáne qyzmet kórsetý salasyndaǵy iskerlik belsendiliktiń baiaýlaýy esebinen 49 tarmaqtan 48,4 tarmaqqa deiin eki ai qatarynan tómendedi. Qurylys oń kórsetkishke shyqty. Ulttyq Bank 2020 jylǵy 4-shi toqsanda kásiporyndarǵa júrgizgen monitoring investitsiialyq belsendilik pen óndiris kóleminiń tómendeýine bailanysty naqty sektordaǵy ekonomikalyq belsendiliktiń tómen qarqynynyń saqtalýyn kórsetýde», - dedi ol.
UB tóraǵasynyń aitýynsha, sonymen birge suranystyń qalpyna kelýi jáne daiyn ónim baǵasy ósýiniń jyldamdaýy, kreditter boiynsha paiyzdyq mólsherlemelerdiń tómendeýi baiqalady.
«Kompozittik ozyq indikator naqty sektorda ekonomikalyq belsendiliktiń birtindep qalpyna kelý belgileriniń paida bolýyn kórsetýde. Biylǵy jylǵy 1-shi toqsanda kásiporyndar ekonomikalyq belsendiliktiń álsiz ósýin kútýde», - dedi Erbolat Dosaev.
