Biyl joǵary oqý oryndaryndaǵy professorlardyń jalaqysy kóbeidi. Osyndai qiyn jaǵdaida oqytýshylardy qoldaý kerek. Bul týraly Ortalyq kommýnikatsiialar qyzmetinde ótken onlain brifingte BǴM Joǵary jáne joǵary oqý ornynan keiingi bilim departamenti direktorynyń orynbasary Baný Narbekova aitty, dep habarlaidy QazAqparat.
«Sessiia qarashadan bastap jeltoqsan aiynyń sońyna deiin júrgiziledi. Ministrlik tarapynan júrgizilgen pysyqtaý nátijesi boiynsha, bizdiń joǵary oqý oryndary sessiia ótkizýge daiyn. Sondai-aq, biz antiplagiat júiesin qoldanyp otyrmyz. Elimizdegi barlyq joǵary oqý orny osy júieni paidalanady», - deidi BǴM Joǵary jáne joǵary oqý ornynan keiingi bilim departamenti direktorynyń orynbasary Baný Narbekova.
Onyń aitýynsha, qashyqtan oqytýdyń dástúrli bilim berýden eshqandai aiyrmashylyǵy joq
«Biz baǵalaýǵa qatysty ózin-ózi baǵalaý tehnologiiasyn engizip otyrmyz. Bir jaǵynan stýdentterdiń ózine senemiz, ekinshiden bul olardyń bilim deńgeii, oqý úlgerimin baǵalai bilýge, oqýǵa degen qushtarlyq deńgeiin anyqtaýǵa kómektesedi. Sondai-aq, biyl joǵary oqý oryndaryndaǵy professorlardyń jalaqysy kóbeidi. Osyndai qiyn jaǵdaida oqytýshylardy qoldaý kerek», - deidi ol.
